Fjórir greindust innan­lands

Þetta kemur fram í uppfærðum tölum á síðunni Covid.is.

50 eru nú í einangrun, en voru 52 í gær. 137 eru nú í sóttkví, en voru 114 í gær. 1.070 eru nú í skimunarsóttkví. Þá eru þrír nú á sjúkrahúsi vegna Covid-19, en voru fjórir í gær.

Tveir greindust með smit á landamærum - annar með virkt smit í fyrri landamæraskimun og beðið er mótefnamælingar í tilviki hins.

73.205 eru nú fullbólusettir hér á landi og er bólusetning hafin hjá 82.853 til viðbótar.

6.555 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru 29 látin.

Alls voru tekin 732 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 505 sýni tekin á landamærunum eða í seinni landamæraskimun og 516 í svokallaðri sóttkvíar- og handahófsskimun.

Fréttin hefur verið uppfærð.