Körfubolti

Martin öflugur í þægi­legum sigri Valencia

Runólfur Trausti Þórhallsson skrifar
Martin Hermannsson átti góðan leik í kvöld.
Martin Hermannsson átti góðan leik í kvöld. Sergey Grachev/Getty Images

Valencia vann öruggan 14 stiga útisigur á Murcia í spænsku úrvalsdeildinni í körfubolta í kvöld, lokatölur 80-66.

Eftir jafnan fyrsta leikhluta setti Valencia í fluggírinn í öðrum leikhluta. Liðið skoraði 29 stig gegn aðeins 12 hjá heimamönnum og staðan því 44-28 í hálfleik. 

Það var forystu sem gestirnir létu aldrei af hendi og unnu þeir á endanum góðan 14 stiga sigur, lokatölur 80-66.

Martin Hermannsson átti mjög góðan leik í liði Valencia í kvöld. Ásamt því að skora 11 stig þá gaf hann fjórar stoðsendingar og tók þrjú fráköst.

Valencia er sem stendur í 5. sæti með 42 stig, tveimur stigum á eftir Baskonia sem er í 4. sæti deildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.