Atvinnulíf

Góð ráð fyrir þá sem stefna á forstjórastöðuna

Rakel Sveinsdóttir skrifar
Niðurstöður rannsóknar sýnir að fólk í topp stjórnendastöðum virðist margt eiga það sameiginlegt að gefa sér smá tíma í það á hverjum morgni, að fara yfir það í huganum hvernig þau ætla að standa sig í leiðtogahlutverkinu í dag.
Niðurstöður rannsóknar sýnir að fólk í topp stjórnendastöðum virðist margt eiga það sameiginlegt að gefa sér smá tíma í það á hverjum morgni, að fara yfir það í huganum hvernig þau ætla að standa sig í leiðtogahlutverkinu í dag. Vísir/Vilhelm

„Viltu verða forstjóri?“ er spurt í fyrirsögn umfjöllunar FastCompany þar sem segir frá nýrri rannsókn sem varpar ljósi á það hvað fólk í topp stjórnendastöðum á sameiginlegt. 

Rannsóknin var framkvæmd í háskólanum í Flórída. Þátttakendur voru fólk sem eru í stjórnendastöðum en eins líka fólk sem telst vera á mikilli uppleið og stefnir því hraðbyrinn á toppinn.

Fylgst var með hegðun þeirra og venjum í nokkurn tíma.

Það sem kom í ljós var að þessi hópur fólks, virðist eiga það sameiginlegt að gefa sér smá tíma í það á hverjum morgni, að fara aðeins yfir það hvernig dagurinn verður og hvernig það sjálft ætlar að standa sig.

Til dæmis í verkefnum, að aðstoða aðra eða í samskiptum við aðra. Eða hvernig ætlunin er að vera valdeflandi og hafa áhrif á aðra til góðs.

Þetta þýðir alls ekki að fólk í stjórnendastöðum, setjist niður í einhvers konar íhugun til að undirbúa velgengni dagsins. 

Þvert á móti, er fólk hvatt til þess að nýta tímann á morgnana þegar það er að gera sig klárt til vinnu.

Til dæmis er upplagt að leggja línurnar fyrir daginn þegar fólk fær sér fyrsta kaffibollann. 

Hér eru einföld ráð til að gefa hugmyndir um atriði sem hægt er að velta aðeins fyrir sér, áður en haldið er til vinnu. 

  1. Hvernig leiðtogi vilt þú vera?
  2. Ímyndaðu þér að dagurinn í dag fari eins vel og best verður á kosið. Hvernig verður þá dagurinn?
  3. Hvaða eiginleikum býrð þú yfir, sem gerir þig að sérstaklega góðum leiðtoga? (og hvernig ætlar þú að nýta þá í dag?)
  4. Hvaða stundir, atburðir eða verkefni standa upp úr hjá þér og gerir þig alltaf jafn stolta/n að hugsa um? (það er gott að rifja þessi augnablik oft upp)
  5. Hvaða jákvæðu áhrif viltu hafa á starfsfólkið þitt í dag eða samstarfsfélaga? Er það hvatning, að veita innblástur, að styrkja hæfileika fólks/teymis eða eitthvað annað?

Tengdar fréttir

Stakk upp á nýju starfi fyrir sjálfa sig og endaði sem framkvæmdastjóri

„Ég myndi án efa hvetja fólk til þess að bera sig eftir því sem það vill, að hugsa aðeins hvað það virkilega langar að vinna við og yrði frábært í og hreinlega taka stöðuna. Það er þá ekkert verra en „Nei“ sem kemur, sem gæti svo alveg breyst í „Já“ síðar eins og það gerði hjá mér,“ segir Klara Símonardóttir aðspurð um það hvaða ráð hún myndi gefa fólki í atvinnuleit. Klara er í dag framkvæmdastjóri Petmark. Árið 2016 hafði hún samband við það fyrirtæki og stakk upp á því að hún yrði ráðin sem vörumerkjastjóri. Starfið var ekki til hjá fyrirtækinu og þaðan af síður hafði það verið auglýst. En í kjölfar þess að Klara hafði samband, var starfið búið til og hún ráðin.

Ómetanlegt að geta þegið ráð frá sterkum leiðtogum

„Fræðslan nýttist mér beint inn í mín störf hjá Men&Mice þar sem ég fékk snemma tækifæri til að þróast í starfi og þar kom reynslan úr stjórnarstarfi félagsins ekki síður að góðum notum. Enn fremur gaf UAK mér sterkt tengslanet, sem hefur leitt af sér ýmis tækifæri sem ég efa að hefðu annars staðið mér til boða,“ segir Sigyn Jónsdóttir, VP of Customer Care hjá Men & Mice um það hvernig henni fannst félagsskapurinn UAK, Ungar athafnakonur, nýtast sér með beinum hætti á sinni framabraut.

Sjálfsmyndin oft erfið stjórnendum og hálauna fólki

Kanntu að gera skil á milli þín og vinnunnar? Eða byggir sjálfsmatið þitt á stöðugildinu sem þú sinnir í dag? Að starfsferillinn hafi í raun yfirtekið sjálfsmyndina er staða sem margir eru í, en oft óafvitandi. 

Starfsframinn: Að vinna eins og forstjóri

Það er oft sagt að vinnuveitendur falist sérstaklega eftir starfsfólki sem kann að sýna gott frumkvæði í starfi. Enda ekki nema von. Starfsmaður sem sýnir dugnað, afkastagetu og frumkvæði er oftast starfsmaður sem stjórnandi þarf lítið að hafa áhyggjur eða afskipti af. Sem aftur gerir viðkomandi að eftirsóttum starfsmanni. Og hver vill ekki teljast eftirsóttur starfsmaður?





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×