Fjórir greindust innanlands og allir í sóttkví

Atli Ísleifsson skrifar 8. apríl 2021 10:58

27.092 eru nú fullbólusettir hér á landi og er bólusetning hafin hjá 25.542 til viðbótar. Vísir/Vilhelm

Fjórir greindust með kórónuveiruna innanlands í gær. Allir þeir sem greindust voru í sóttkví.

Þetta kemur fram í uppfærðum tölum á Covid.is.

110 eru nú í einangrun, samanborið við 132 í gær. 101 eru nú í sóttkví, en voru 127 í gær. 1125 eru nú í skimunarsóttkví. Þá er enginn nú á sjúkrahúsi vegna Covid-19.

Þrír greindust á landamærum - tveir með virkt smit í fyrri skimun og þá er niðurstöðu mótefnamælingar beðið í tilviki eins.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 21,5, en var 22,6 í gær. Nýgengi á smiti á landamærum er nú 5,7, en var 6,5 í gær.

27.092 eru nú fullbólusettir hér á landi og er bólusetning hafin hjá 25.542 til viðbótar.

Alls hafa 6.256 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 1098 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 609 sýni tekin á landamærunum eða í seinni landamæraskimun og 185 í svokallaðri sóttkvíar- og handahófsskimun.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.