Innlent

Slegist á veitingastöðum og kaffihúsi

Hólmfríður Gísladóttir skrifar
Lögregla sinnti einnig nokkrum tilkynningum um meint sóttvarnabrot, sem reyndust ekki á rökum reistar.
Lögregla sinnti einnig nokkrum tilkynningum um meint sóttvarnabrot, sem reyndust ekki á rökum reistar. Vísir/Vilhelm

Nokkuð annríki var hjá lögreglu í gærkvöldi og nótt en samkvæmt dagbók sinnti lögregla tveimur útköllum vegna slagsmála á veitingastöðum í miðborginni og einu vegna líkamsárásar á kaffihúsi.

Vísir greindi frá því í gærkvöldi að til slagsmála hefði komið á Sushi Social í gærkvöldi en um var að ræða tvo menn sem voru saman úti að borða. Þeir létu sig hverfa áður en lögregla mætti á vettvang.

Í dagbók lögreglu er fjallað um tvö tilvik.

Annað var tilkynnt kl. 21.18 en þar sem málið er í rannsókn eru nánari upplýsingar ekki veittar. 

Þá virðist annað slagsmálaatvik hafa verið tilkynnt seinna en þar var óskað eftir aðstoð lögreglu á veitingastað þar sem æstur maður var að stofna til slagsmála. „Töluvert að gera hjá lögreglu á svæði 1 og því bið eftir aðstoð. Maðurinn farinn þegar lögregla kom á vettvang.“

Lögreglu barst einnig útkall vegna líkamsárásar á kaffihúsi í Breiðholti en þar var maður sleginn hnefahöggi. Segir að meiðsli hafi verið minniháttar en lögregla sé með upplýsingar um geranda.

Einnig var tilkynnt um líkamsárás í sama hverfi, sem rannsökuð er sem heimilisofbeldi.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið