Sport

Á nú sjö gildandi Íslandsmet

Óskar Ófeigur Jónsson skrifar
Hlynur Andrésson gaf allt sitt í hlaupið í gær og var alveg búinn í lokin.
Hlynur Andrésson gaf allt sitt í hlaupið í gær og var alveg búinn í lokin. Skjámynd/mdr.de

Hlynur Andrésson byrjaði maraþonferil sinn með því að bæta Íslandsmetið og það með glæsibrag.

Hlynur Andrésson hefur verið duglegur að safna að sér Íslandsmetunum á síðustu árum og það nýjast kom í hús í gær þegar hann hljóp maraþonhlaup í fyrsta skiptið.

Hlynur bætti Íslandsmet Kára Steins Karlssonar um rúmar þrjár og hálfa mínútu en það hafði staðið í næstum því heilan áratug.

Íslandsmet Hlyns eru þar með orðin sjö talsins. Fyrsta Íslandsmetið hans kom í hús þegar hann sló metið í 5000 metra hlaupi 1. apríl 2017. Hann hefur síðan sett tíu Íslandsmet utanhúss til viðbótar í alls sjö mismunandi greinum.

Hlynur Andrésson setti í dag nýtt glæsilegt Íslandsmet í maraþoni en hann kom í mark á 2:13:37. Fyrra metið var í eigu...

Posted by FRÍ - Frjálsíþróttasamband Íslands on Sunnudagur, 21. mars 2021

Þetta var fjórða Íslandsmetið sem Hlynur tekur af Kára Steini Karlssyni en Hlynur hefur einnig tekið tvö mjög gömul Íslandsmet af Jóni Diðrikssyni og svo eitt met af Sveini Margeirssyni.

Hlynur hefur sett nýtt Íslandsmet fimm ár í röð en hann setti eitt Íslandsmet árið 2017, þrjú met árið 2018, tvö met árið 2019 og svo þrjú Íslandsmet í fyrra.

„Það var alveg súrsætt að bæta Íslandsmetið þó að ég næði ekki Ólympíulágmarki. Ég á bara orðið svo mörg Íslandsmet að ég er eiginlega hættur að pæla í því. Ég er farinn að setja markið hærra en það og það þýðir að ná lágmörkum inn á þessi stóru mót og það er ekkert mót stærra en Ólympíuleikarnir,“ sagði Hlynur í samtali við Vísi eftir hlaupið sitt í gær.

Það er samt athyglisvert að skoða listan yfir Íslandsmetin hans og ekki oft sem maður hefur átt sjö gildandi Íslandsmet í frjálsum íþróttum utanhúss á sama tíma.

Íslandsmetin hans Hlyns Andréssonar má sjá hér fyrir neðan:

  • 3000 metra hlaup á 8:02,60 mín. (Sett 1. ágúst 2020)
  • 5000 metra hlaup á 13:57,89 mín. (Sett 20. júlí 2019)
  • 10.000 metra hlaup á 28:55,47 mín. (Sett 19. september 2020)
  • 10 km götuhlaup á 29:49 mín. (Sett 24. mars 2019)
  • Hálft maraþon á 1:02:47 klst. (Sett 17. október 2020)
  • 3000 metra hindrunarhlaup á 8:44,11 mín. (Sett 24. maí 2018)
  • Maraþonhlaup á 2:13:37 klst. (Sett 21. mars 2021)
  • --

Hversu gömlu voru metin þegar hann sló þau

  • 3000 metra hlaup: Hafði staðið í 36 ár, 11 mánuði, og 3 daga
  • 5000 metra hlaup: Hafði staðið í 7 ár og 5 daga en hefur bætt það alls þrisvar sinnum
  • 10.000 metra hlaup: Hafði staðið í 9 ár 11 mánuði og 26 daga en hefur bætt það alls tvisvar sinnum
  • 10 km götuhlaup: Hafði staðið í 35 ár 8 mánuði og 24 daga
  • Hálft maraþon: hafði staðið í 5 ár, 6 mánuði og 18 daga
  • 3000 metra hindrunarhlaup: hafði staðið í 14 ár, 11 mánuði og 12 daga
  • Maraþonhlaup: Hafði staðið í 9 ár, 5 mánuði og 24 daga



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.