Menning

RAX Augnablik: Forvitnin varð þeirra banabiti

Sylvía Rut Sigfúsdóttir skrifar
Ole Neylsen á veiðum úti á hafísnum við Thule á Grænlandi.
Ole Neylsen á veiðum úti á hafísnum við Thule á Grænlandi. RAX

„Ég þekkti engan og var svona að kynnast mönnum og finna út hverja væri best að tala við. Ole var vinalegur og við urðum ágætis vinir. Hann var mjög góður maður,“ segir ljósmyndarinn Ragnar Axelsson um Ole Nyelsen.

RAX kynntist Ole þegar hann fylgdi veiðimönnum eftir á hafísnum við Thule á Grænlandi.

„Ísinn var svolítið erfiður því það var svo lítill snjór á honum þannig að hundarnir verða sárfættir svo hann saumaði á þá skó,“ rifjar RAX upp í nýjasta þættinum af RAX Augnablik.

Ole var alltaf tilbúinn og á einni myndinni sem RAX tók bíður Ole tilbúinn fyrir veiði og náhvalur hafði sést nálægt þeim. Hann heldur á uppblásnum selsbelg og í hann er fast snæri og spjót.

Sjá hvert hvalirnir synda

„Þeir sauma saman selskinn og blása lofti í hann svo hann er alveg þéttur. Þegar þeir skutla hvalinn frá kajaknum að þá festist spjótið í hvalnum og línan dregst út,“ útskýrir RAX um þessa hefð veiðimannanna. Hvalurinn getur ekki kafað með selsbelginn og því geta veiðimennirnir elt hann fótgangandi á ísnum og svo skotið hann.

„Þeir sjá alltaf á yfirborðinu hvert hvalurinn er að synda.“

Selsbelgina nota þeir einnig til að veiða seli og ná þeim upp á yfirborðið, forvitnin verður þá þeirra banabiti. Hægt er að heyra frásögnina í heild sinni ásamt því að sjá fleiri ljósmyndir úr ferðinni í spilaranum hér fyrir neðan. RAX Augnablik eru örþættir og þátturinn Selsbelgurinn er tæpar fjórar mínútur.

Klippa: RAX Augnablik - Selsbelgurinn

Í tilefni af því að það byrjaði að gjósa í Geldingadal við Fagradalsfjall um helgina er viðeigandi að rifja upp frásögn RAX af eldgosinu í Holuhrauni árið 2014, sem margir segja að sé svipað gos. 

Sagan af Ole og selsbelgnum er ekki fyrsta sagan hans RAX frá Grænlandi. Hér fyrir neðan má horfa á nokkrar vel valdar Grænlandssögur úr RAX Augnablik síðustu mánuði. 

Kóngurinn í Thule

Sagan af því þegar RAX kynnist veiðimanninum Massana, sem var kallaður Kóngurinn í Thule, og fékk að fara með honum í margra daga veiðiferð. Í ferðinni heillaðist RAX af Massana og þeim frumstæðu lífsháttum sem veiðimennirnir stunda, og eru á undanhaldi.

Jökulstormur

Grænlendingar þurfa að búa við tíða jökulstorma sem þeir kalla Piteraq. Orðið Piteraq þýðir í raun „sá sem ræðst á þig“ og við fáum að kynnast því hvernig það er að láta ráðast á okkur í gegnum magnaðar myndir sem RAX hefur myndað í miðjum jökulstormi.

Í krumlu hafíssins

RAX eltir bræðurna Hjelmer og Ababa út á hafísinn til þess að reyna að veiða ísbjörn. Þeir eru í kapphlaupi við tímann því jökulstormur (Piteraq) stefnir í áttina að þeim.


Í þáttunum RAX AUGNABLIK segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+. 

Hægt er að sjá alla þættina HÉR á Vísi.


Tengdar fréttir

RAX Augnablik: „Þarna var hestur og ég gaf honum smá kók“

„Manni finnst svolítið eins og maður sé að endurtaka sig. Maður þarf alltaf að vera að reyna að finna eitthvað nýtt. Manni finnst vanta eitthvað. Maður er aldrei fullkomlega sáttur við það sem maður er að gera,“ segir Rax þegar hann talar um gerð bókarinnar Fjallland.

RAX: „Það er eins og kölski sé að horfa beint á okkur“

„Alltaf þegar ég er að fljúga þá er ég alltaf að leita að allskonar fígúrum, formum og andlitum. Ég bjóst nú reyndar ekki við því í Holuhrauni þegar ég fór þangað að sjá einhver andlit.“ Þetta segir Ragnar Axelson um reynslu sína þegar hann myndaði gosið í Holuhrauni árið 2014.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.