Lífið

Daða og Gagnamagninu nú spáð 8. sætinu

Stefán Árni Pálsson skrifar
Ísland hefur lækkað í spám veðbanka.
Ísland hefur lækkað í spám veðbanka. mynd/birta rán

Daði og Gagnamagnið flytja lagið 10 Years á seinna undankvöldinu í Rotterdam þann 20. maí.

Nú spá helstu veðbankar Íslandi 8. sæti í keppninni og að 4 prósent líkur séu á sigri Daða Freys. Daða var spáð sigri af mörgum veðbönkum á síðasta ári og var þá keppninni aflýst. 

RÚV tók í kjölfarið ákvörðun um að senda Daða Frey og Gagnamagnið út í ár. 

Lagið var frumflutt á laugardagskvöldið en áður en lagið heyrðist var Íslandi spáð frá 2.-4. sæti í keppninni af helstu veðbönkum. 

Síðan þá hafa veðbankar metið það sem svo að líkur Íslands séu í raun minni en fyrir viku.

Úrslitakvöldið fer fram 22. maí og líkur eru á því að Ísland verði þar, miðað við spá veðbanka.






Fleiri fréttir

Sjá meira


×