Svona var upplýsingafundurinn vegna gosóróans

Fundurinn verður haldinn í Katrínartúni. Kristín Jónsdóttir, fagstjóri náttúruvár hjá Veðurstofu Íslands, og Víðir Reynisson, yfirlögregluþjónn almannavarnasviðs ríkislögreglustjóra, fara þar yfir nýjustu vendingar í jarðhræringum á Reykjanesi og svara spurningum fjölmiðla.

Óróapúls hófst klukkan 14:20 suður af Keili við Litla-Hrút og mælist á flestum jarðskjálftamælum. Slík merki mælast í aðdraganda eldgosa. Þetta kom fram í tilkynningu frá Veðurstofu Íslands.

Fundurinn verður túlkaður á pólsku auk táknmálstúlkunar. Hann verður í beinni útsendingu hér á Vísi og á sjónvarpsstöðinni Stöð 2 Vísir.

Nýjustu upplýsingar um málið má nálgast í eldgosavaktinni hér á Vísi.

Uppfært: Fundinum er lokið en upptöku frá honum má sjá að neðan.