Innlent

Ekkert innan­lands­smit fimmta daginn í röð

Atli Ísleifsson skrifar
Alls hafa tíu greinst með kórónuveiruna innanlands það sem af er febrúarmánuði.
Alls hafa tíu greinst með kórónuveiruna innanlands það sem af er febrúarmánuði. Vísir/Vilhelm

Fimmta daginn í röð greindist enginn með kórónuveiruna innanlands í gær. Einn greindist á landamærum þar sem niðurstöðu mótefnamælingar er beðið.

Þetta kemur fram í uppfærðum tölum á síðunni covid.is. Fjórtán eru nú í einangrun, en voru fimmtán í gær. Sautján eru nú í sóttkví, samanborið við tuttugu í gær. 719 eru í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 0,3, en var 1,4 í gær. Nýgengi landamærasmita er nú 3,6, en var 4,6 í gær.

12.564 eru nú fullbólusettir hér á landi og er bólusetning hafin hjá 7.029 til viðbótar.

6.049 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 470 einkennasýni hjá sýkla- og veirufræðideild Landspítalans og Íslenskri erfðagreiningu í gær og 412 sýni á landamærunum eða í seinni landamæraskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.