Innlent

Bráðvantaði rafstöðvarnar í flóðinu

Kristín Ólafsdóttir skrifar
Rafstöðvarnar voru merktar áfangastöðum sínum.
Rafstöðvarnar voru merktar áfangastöðum sínum. Vísir/Arnar

Þrettán björgunarsveitir fengu í dag afhentar færanlegar rafstöðvar sem eiga að efla fjarskiptaöryggi þegar gerir óveður eða náttúruhamfarir verða. Björgunarsveitarmaður segir að slíkar stöðvar hefðu komið að miklum notum þegar aurskriður féllu á Seyðisfirði fyrir jól.

Fjölmenni var í húsnæði Neyðarlínunnar á Hólmsheiði í hádeginu í dag þegar björgunarsveitir fengu rafstöðvarnar afhentar. Afhendingin er liður í átaki stjórnvalda um úrbætur á fjarskiptainnviðum eftir mikil óveður fyrir rúmu ári.

„Í desember 2019 gerðust hlutir sem við vildum alls ekki upplifa, fólk sem var í vanda, rafmagnslaust og gat heldur ekki náð í nokurn. Það er eitthvað sem við viljum ekki hafa,“ sagði Sigurður Ingi Jóhannsson, samgöngu- og sveitastjórnarráðherra í dag.

Rafstöðvarnar hefðu meðal annars komið að góðum notuð þegar miklar aurskriður féllu á Seyðisfirði rétt fyrir jól.

„Þetta hefði hjálpað okkur gríðarlega, okkar talstöðvarsamband, tetrasambandið og neyðarlínan og allt sem fer þar í gegnum er í björgunarsveitarhúsinu sem lenti í flóðinu, skriðunni. Þannig að okkur bráðvantaði þetta,“ sagði Davíð Kristinsson, björgunarsveitarmaður.

Í hvað eru svona stöðvar notaðar?

„Þetta er til að halda samskiptum í lagi, hvort sem það er síma- eða talstöðvasamband, til að geta verið í sambandi við umheiminn, til að láta vita af vá eða hvað sem það er. Samskipti okkar í björgunarsveitunum eru auðvitað gríðarlega mikilvæg þannig að þetta er til að halda samskiptum í lagi.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.