Innlent

Ásthildur Lóa hyggst gefa kost á sér fyrir Flokk fólksins

Elín Margrét Böðvarsdóttir skrifar
Ásthildur Lóa Þórsdóttir.
Ásthildur Lóa Þórsdóttir. Aðsend mynd

Ásthildur Lóa Þórsdóttir, formaður Hagsmunasamtaka heimilanna, hyggst gefa kost á sér til framboðs fyrir Flokk fólksins í komandi alþingiskosningum. Ásthildur Lóa er kennari að mennt og starfar sem grunnskólakennari en þetta kemur fram í tilkynningu frá Flokki fólksins.

Hún er gift Hafþóri Ólafssyni, söluráðgjafa og saman eiga þau tvo uppkomna syni.

„Hún hefur verið í virk í réttindabaráttu kennara og var kjörin í bæði stjórn og samninganefnd grunnskólakennara árið 2018. Árið 2017 var hún kjörin í stjórn Hagsmunasamtaka heimilanna og valin formaður af stjórn. Hún hefur gegnt því hlutverki í sjálfboðavinnu meðfram fullu starfi síðan þá. 

Ásthildur Lóa hefur á undanförnum misserum vakið verðskuldaða athygli fyrir einarða baráttu sína fyrir heimilin í landinu og baráttu fólks fyrir réttlæti í kjölfar efnahagshrunsins sem varð haustið 2008,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.