„Tól í því að takast á við þennan táradal og þessa þyrnum stráðu leið sem lífið er“ Stefán Árni Pálsson skrifar 3. febrúar 2021 10:31 Flosi hefur glímt við þunglyndi í áratugi. Félagarnir Flosi Þorgeirsson og Baldur Ragnarsson eru landsmönnum kunnir sem gítarleikarar úr hljómsveitunum HAM og Skálmöld en þeir hafa nú slegið í gegn á öðrum vettvangi þar sem þeir stýra einu vinsælasta hlaðvarpi landsins, Draugum fortíðar. Þar fara þeir yfir óvenjulegar en sannar sögur úr mannkynssögunni en þættirnir hafa þó ekki síst vakið athygli fyrir opinskáar lýsingar þeirra félaga á eigin geðröskunum. Flosi hefur ekki farið í felur með að hann berst daglega við kvíða og þunglyndi á meðan Baldur er greindur með ADHD og hafa umræður þeirra um þá kvilla mælst vel fyrir hjá hlustendum. Hlaðvarpið á sér orðið stóran aðdáandahóp á Íslandi sem fer ört stækkandi en Frosti Logason settist niður með þeim félögum og fékk að heyra allt um Drauga fortíðar í Íslandi í dag á Stöð 2 í gærkvöldi. „Þetta er fyrst og fremst skemmtihlaðvarp og á að vera skemmtilegt að hlusta á þetta en ég vildi líka hafa þetta fræðslu,“ segir Flosi Þorgeirsson. „Við höfum þekkst í mjög mörg ár og ég hef alltaf vitað að Flosi er náttúrlega góður sögumaður. Hann hefur náttúrulegan hæfileika til þess að láta bæði hluti sem eru áhugaverðir og hlutir sem eru ekkert áhugaverðir verða frábæra. Þættirnir eru þannig uppbyggðir að hann segir mér frá einhverju einu máli og ég veit ekki hvað málið er fyrir fram,“ segir Baldur Ragnarsson. Hann bara stoppaði ekki Þannig er Baldur í hlutverki forvitna hlustandans sem spyr spurninga á meðan Flosi er hinn fróði sögumaður sem útskýrir fyrir honum allt mögulegt er snýr að málefni hvers þáttar. Upphaf hlaðvarpsins má að einhverju leiti rekja til þess þegar þeir félagar fóru saman til Kraká í Póllandi árið 2010 til að sjá þungarokksrisana í Metallica, Slayer, Megadeth og Anthrax saman á tónleikum. Þá lenti Flosi óvart í hlutverki leiðsögumanns um borgina þar sem frásagnargáfa hans fékk að njóta sín og Baldur áttaði sig á þeir væru með einhverja snilld í höndunum þó að hlaðvarpshugmynd hafi svo komið löngu síðar. Frosti Logason ræddi við þá Flosa og Baldur um hlaðvarpið Draugar fortíðar. „Þá labbaði ég heilan dag með Flosa og hann sagði mér frá Kraká og þá vissi ég bara að það verði að koma honum í þetta umhverfi. Hann bara stoppaði ekki,“ segir Baldur. Flosi segir að fyrst um sinn hafi hann bara viljað gera mjög sagnfræðilegt hlaðvarp sem einblíndi á heimssögulega viðburði, styrjaldir og þess háttar en efnistökin hafi fljótlega þróast út í að verða miklu almennari og stundum léttari. „Merkilegt nokk, þrátt fyrir að vera svona þunglyndur og fullar af doða og vonleysi svona vanalega þá hef ég áhuga á hlutum. Það lifnar oft yfir mér þegar ég fer að lesa viðtöl við fólk eða lýsingar á atburðum,“ segir Flosi. Sem fyrr segir hefur Flosi ekki farið leynt með að hann hefur um langa hríð þjáðst af mjög alvarlegu þunglyndi og hefur hann fengið mikið lof fyrir að tala opinskátt um ástand sitt í þáttunum. Hann hefur sagt frá því hvernig hann á sinni myrkustu stundu fyrir tíu árum síðan langaði mest til að deyja þegar hann leit á sjálfan sig í spegli og sá bara fertugan mann sem hafði kastað lífi sínu á glæ, með litla sem enga menntun eða framtíð og þar að auki á svörtum lista hjá öllum fjármálastofnunum á þeim tíma. Níu ára gamall til sálfræðings „Við fórum bara að tala opinskátt um þetta og það er langt síðan að þetta varð eitthvað feimnismál hjá mér. Maður verður að lifa í sátt við sína bresti og galla, annars ert þú á hraðleið til heljar ef þú gerir það ekki. Kímnin er mjög mikilvægt tól í því að takast á við þennan táradal og þessa þyrnum stráðu leið sem lífið er,“ segir Flosi. Flosi segist hafa glímt við þunglyndi eins lengi og hann man en hann fór fyrst til sálfræðings þegar hann var níu ára gamall. „En ég vissi ekki fyrr en um þrítugt að þá var horft á mig og sagt að ég væri með alvarlegt þunglyndi. Þetta er 1998 og ég spyr bara, hvað er það? Ég veit ekkert hvað það er.“ Flosi segir að hann hafi loksins fengið bót meina sinna þegar hann fór í eitt skiptið inn á geðdeild þegar hann hafði skaðað sjálfan sig illa með dúkahníf í harkalegu kvíðakasti. En þá sagði geðlæknir honum að það fyrsta sem hann þyrfti að gera væri að hætta algjörlega að drekka og nota önnur vímuefni sem hann og gerði og eftir það fór hann svo í hugræna atferlismeðferð. „Mér finnst hún alveg rosalega góð og sérstaklega í því að takast á við þetta niðurrif sem verður svo sjúkleg. Þú getur ekki losnað við þessar hugsanir. Þú ert sífellt að hugsa rosalega ert þú ömurlegur. Þunglyndi er svo mikil aftenging við allt. Maður hættir að borða eða maður sefur óeðlilega lengi eða maður getur ekki sofnað. Smá saman verður raunveruleikinn svo óraunverulegur.“ Flosi hefur um áratugaskeið verið meðlimur hinnar stórkostlegu hljómsveitar HAM en hún er að öðrum ólöstuðum ein albesta og virtasta rokkhljómsveit Íslandssögunnar. Þunglyndið hefur að sögn Flosa vissulega haft áhrif á störf hans í hljómsveitinni. „Þunglyndir virka oft eins og þeir hafi engan áhuga á neinu og eru ofsalega fúlir og leiðinlegir. Félagar mínir í HAM veltu oft því fyrir sér í gamla daga hvort ég hefði einhvern áhuga á þessu. Spurðu mig hvort mér fyndist leiðinlegt í þessu bandi og ég svaraði, nei nei mér finnst það alveg gaman. Þeir sáu það ekki því ég var alveg dofinn,“ segir Flosi og hlær. Baldur og Flosi haf nú gert um það bili 40 þætti af Draugum fortíðar og segja framtíðina vera bjarta fyrir hlaðvarpið svo lengi sem fólk verður áfram forvitið um áhugaverðar sögur úr mannlegri tilveru. Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan www.pieta.is. Ísland í dag Geðheilbrigði Mest lesið Staðalímyndir í sjávarútvegi: „Hvar er maðurinn þinn?“ Lífið Landsliðshetjur elta drauminn til Ólafsvíkur Lífið Bakslag í veikindi Valgeirs Lífið Hvernig á að klæða sig fyrir körfuboltaleik? Tíska og hönnun Eitt fallegasta hús Reykjavíkur komið á sölu Lífið Keyptu glæsihús Atlanta-hjónanna á undirverði Lífið Einn heitasti plötusnúður í heimi á leið til landsins Tónlist „Hélt að við værum að trufla verðandi bónorð hjá öðrum“ Lífið Sagði að hún kæmist aldrei á forsíðu Vogue Lífið Nauðsynlegt að gera upp fortíðina Tónlist Fleiri fréttir Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu „Allt annað að sjá einhvern sem var eins og ég“ „Ekki ætlunin að særa heldur hrista aðeins upp í umræðunni“ Heillandi heimili Hönnu Stínu Jónas Sen sakaður um derring og meinfýsni Arnar og Sigrún Heba selja glæsihús í Kópavogi Svanhildur Hólm fór holu í höggi Ástin blómstrar hjá Rósu Líf og Anahitu Væri til í fjörutíu eiginmenn og nokkra sykurpabba Biggi ekki lengur lögga Ásgeir og Hildur eiga von á stúlku Stefán Einar tók vel á því með Ísfélaginu Stjörnulífið: Bikiní dress vikunnar Ótrúlegustu atvik geta veitt innblástur Geggjaðar gellur í gæsun Grímu Thorarensen Felix kveður Eurovision Ein óvæntustu úrslit Eurovision-sögunnar Krakkatían: Eurovision, jarðskjálftar og dvergar Sjá meira
Þar fara þeir yfir óvenjulegar en sannar sögur úr mannkynssögunni en þættirnir hafa þó ekki síst vakið athygli fyrir opinskáar lýsingar þeirra félaga á eigin geðröskunum. Flosi hefur ekki farið í felur með að hann berst daglega við kvíða og þunglyndi á meðan Baldur er greindur með ADHD og hafa umræður þeirra um þá kvilla mælst vel fyrir hjá hlustendum. Hlaðvarpið á sér orðið stóran aðdáandahóp á Íslandi sem fer ört stækkandi en Frosti Logason settist niður með þeim félögum og fékk að heyra allt um Drauga fortíðar í Íslandi í dag á Stöð 2 í gærkvöldi. „Þetta er fyrst og fremst skemmtihlaðvarp og á að vera skemmtilegt að hlusta á þetta en ég vildi líka hafa þetta fræðslu,“ segir Flosi Þorgeirsson. „Við höfum þekkst í mjög mörg ár og ég hef alltaf vitað að Flosi er náttúrlega góður sögumaður. Hann hefur náttúrulegan hæfileika til þess að láta bæði hluti sem eru áhugaverðir og hlutir sem eru ekkert áhugaverðir verða frábæra. Þættirnir eru þannig uppbyggðir að hann segir mér frá einhverju einu máli og ég veit ekki hvað málið er fyrir fram,“ segir Baldur Ragnarsson. Hann bara stoppaði ekki Þannig er Baldur í hlutverki forvitna hlustandans sem spyr spurninga á meðan Flosi er hinn fróði sögumaður sem útskýrir fyrir honum allt mögulegt er snýr að málefni hvers þáttar. Upphaf hlaðvarpsins má að einhverju leiti rekja til þess þegar þeir félagar fóru saman til Kraká í Póllandi árið 2010 til að sjá þungarokksrisana í Metallica, Slayer, Megadeth og Anthrax saman á tónleikum. Þá lenti Flosi óvart í hlutverki leiðsögumanns um borgina þar sem frásagnargáfa hans fékk að njóta sín og Baldur áttaði sig á þeir væru með einhverja snilld í höndunum þó að hlaðvarpshugmynd hafi svo komið löngu síðar. Frosti Logason ræddi við þá Flosa og Baldur um hlaðvarpið Draugar fortíðar. „Þá labbaði ég heilan dag með Flosa og hann sagði mér frá Kraká og þá vissi ég bara að það verði að koma honum í þetta umhverfi. Hann bara stoppaði ekki,“ segir Baldur. Flosi segir að fyrst um sinn hafi hann bara viljað gera mjög sagnfræðilegt hlaðvarp sem einblíndi á heimssögulega viðburði, styrjaldir og þess háttar en efnistökin hafi fljótlega þróast út í að verða miklu almennari og stundum léttari. „Merkilegt nokk, þrátt fyrir að vera svona þunglyndur og fullar af doða og vonleysi svona vanalega þá hef ég áhuga á hlutum. Það lifnar oft yfir mér þegar ég fer að lesa viðtöl við fólk eða lýsingar á atburðum,“ segir Flosi. Sem fyrr segir hefur Flosi ekki farið leynt með að hann hefur um langa hríð þjáðst af mjög alvarlegu þunglyndi og hefur hann fengið mikið lof fyrir að tala opinskátt um ástand sitt í þáttunum. Hann hefur sagt frá því hvernig hann á sinni myrkustu stundu fyrir tíu árum síðan langaði mest til að deyja þegar hann leit á sjálfan sig í spegli og sá bara fertugan mann sem hafði kastað lífi sínu á glæ, með litla sem enga menntun eða framtíð og þar að auki á svörtum lista hjá öllum fjármálastofnunum á þeim tíma. Níu ára gamall til sálfræðings „Við fórum bara að tala opinskátt um þetta og það er langt síðan að þetta varð eitthvað feimnismál hjá mér. Maður verður að lifa í sátt við sína bresti og galla, annars ert þú á hraðleið til heljar ef þú gerir það ekki. Kímnin er mjög mikilvægt tól í því að takast á við þennan táradal og þessa þyrnum stráðu leið sem lífið er,“ segir Flosi. Flosi segist hafa glímt við þunglyndi eins lengi og hann man en hann fór fyrst til sálfræðings þegar hann var níu ára gamall. „En ég vissi ekki fyrr en um þrítugt að þá var horft á mig og sagt að ég væri með alvarlegt þunglyndi. Þetta er 1998 og ég spyr bara, hvað er það? Ég veit ekkert hvað það er.“ Flosi segir að hann hafi loksins fengið bót meina sinna þegar hann fór í eitt skiptið inn á geðdeild þegar hann hafði skaðað sjálfan sig illa með dúkahníf í harkalegu kvíðakasti. En þá sagði geðlæknir honum að það fyrsta sem hann þyrfti að gera væri að hætta algjörlega að drekka og nota önnur vímuefni sem hann og gerði og eftir það fór hann svo í hugræna atferlismeðferð. „Mér finnst hún alveg rosalega góð og sérstaklega í því að takast á við þetta niðurrif sem verður svo sjúkleg. Þú getur ekki losnað við þessar hugsanir. Þú ert sífellt að hugsa rosalega ert þú ömurlegur. Þunglyndi er svo mikil aftenging við allt. Maður hættir að borða eða maður sefur óeðlilega lengi eða maður getur ekki sofnað. Smá saman verður raunveruleikinn svo óraunverulegur.“ Flosi hefur um áratugaskeið verið meðlimur hinnar stórkostlegu hljómsveitar HAM en hún er að öðrum ólöstuðum ein albesta og virtasta rokkhljómsveit Íslandssögunnar. Þunglyndið hefur að sögn Flosa vissulega haft áhrif á störf hans í hljómsveitinni. „Þunglyndir virka oft eins og þeir hafi engan áhuga á neinu og eru ofsalega fúlir og leiðinlegir. Félagar mínir í HAM veltu oft því fyrir sér í gamla daga hvort ég hefði einhvern áhuga á þessu. Spurðu mig hvort mér fyndist leiðinlegt í þessu bandi og ég svaraði, nei nei mér finnst það alveg gaman. Þeir sáu það ekki því ég var alveg dofinn,“ segir Flosi og hlær. Baldur og Flosi haf nú gert um það bili 40 þætti af Draugum fortíðar og segja framtíðina vera bjarta fyrir hlaðvarpið svo lengi sem fólk verður áfram forvitið um áhugaverðar sögur úr mannlegri tilveru. Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan www.pieta.is.
Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan www.pieta.is.
Ísland í dag Geðheilbrigði Mest lesið Staðalímyndir í sjávarútvegi: „Hvar er maðurinn þinn?“ Lífið Landsliðshetjur elta drauminn til Ólafsvíkur Lífið Bakslag í veikindi Valgeirs Lífið Hvernig á að klæða sig fyrir körfuboltaleik? Tíska og hönnun Eitt fallegasta hús Reykjavíkur komið á sölu Lífið Keyptu glæsihús Atlanta-hjónanna á undirverði Lífið Einn heitasti plötusnúður í heimi á leið til landsins Tónlist „Hélt að við værum að trufla verðandi bónorð hjá öðrum“ Lífið Sagði að hún kæmist aldrei á forsíðu Vogue Lífið Nauðsynlegt að gera upp fortíðina Tónlist Fleiri fréttir Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu „Allt annað að sjá einhvern sem var eins og ég“ „Ekki ætlunin að særa heldur hrista aðeins upp í umræðunni“ Heillandi heimili Hönnu Stínu Jónas Sen sakaður um derring og meinfýsni Arnar og Sigrún Heba selja glæsihús í Kópavogi Svanhildur Hólm fór holu í höggi Ástin blómstrar hjá Rósu Líf og Anahitu Væri til í fjörutíu eiginmenn og nokkra sykurpabba Biggi ekki lengur lögga Ásgeir og Hildur eiga von á stúlku Stefán Einar tók vel á því með Ísfélaginu Stjörnulífið: Bikiní dress vikunnar Ótrúlegustu atvik geta veitt innblástur Geggjaðar gellur í gæsun Grímu Thorarensen Felix kveður Eurovision Ein óvæntustu úrslit Eurovision-sögunnar Krakkatían: Eurovision, jarðskjálftar og dvergar Sjá meira