Innlent

Sex leikskólar opnir í allt sumar: Kostnaðurinn í fyrra 44 milljónir

Hólmfríður Gísladóttir skrifar
Ásókn í úrræðið var minni í fyrra en búist var við, mögulega vegna verkfalla og kórónuveirufaraldursins.
Ásókn í úrræðið var minni í fyrra en búist var við, mögulega vegna verkfalla og kórónuveirufaraldursins. Vísir/Vilhelm

Sex leikskólar á vegum Reykjavíkurborgar verða opnir í allt sumar; einn í hverju hverfi. Um er að ræða framhald af tilraunaverkefni sem var sett af stað sumarið 2019 en í nýlegri viðhorfskönnun sögðust 97% foreldra mjög eða frekar ánægðir með fyrirkomulagið.

Umræddir leikskólar eru Bakkaborg í Breiðholti, Drafnarsteinn í Vesturbæ, Engjaborg í Grafarvogi, Langholt í Laugardal/Háaleiti, Maríuborg í Árbæ/Grafarholti og Stakkaborg í Miðborg/Hlíðum.

„Sumaropnun leikskóla er tilraunaverkefni sem fór af stað sumarið 2019 til að koma til móts við óskir foreldra um meiri sveigjanleika á orlofstímanum. Foreldrar sækja um sumardvöl fyrir barn sitt í opnum leikskóla og verður hægt að sækja um frá og með 5. mars,“ segir í tilkynningu frá Reykjavíkurborg.

Reyndar hafi aðeins 18% foreldra sótt um að taka sumarleyfi á öðrum tíma en boðið var upp á í þeirra leikskóla sumarið 2020 en ástæðan sögð líklega sú að foreldrar hefðu gengið á orlofsdaga sína vegna verkfalla og kórónuveirufaraldursins.

Raunkostnaður við sumaropnunina í fyrra var 44 milljónir.

Skóla - og menntamál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið