Innlent

Tveir greindust með kórónu­veiruna innan­lands í gær

Atli Ísleifsson skrifar
Alls hafa um sex þúsund manns greint með kórónuveiruna hér á landi frá upphafi heimsfaraldursins.
Alls hafa um sex þúsund manns greint með kórónuveiruna hér á landi frá upphafi heimsfaraldursins. Vísir/Vilhelm

Tveir greindust með kórónu­veiruna innan­lands í gær. Báðir voru í sóttkví við greiningu.

Þetta kemur fram í uppfærðum tölum á síðunni covid.is. Alls eru nú sextán á sjúkrahúsi vegna Covid-19.

Einn greindist smitaður á landamærum í gær og er niðurstöðu mótefnamælingar beðið.

59 manns eru nú í einangrun, samanborið við 64 í gær. 53 eru nú í sóttkví, en þeir voru 128 í gær. 842 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 9,3 líkt og í gær. Nýgengi landamærasmita er nú 12,3, en var 15,0 í gær.

Alls hafa 5.992 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 983 einkennasýni hjá sýkla- og veirufræðideild Landspítalans og Íslenskri erfðagreiningu í gær og 233 sýni á landamærunum eða í seinni landamæraskimun. Þá voru tekin 93 sýni í sóttkvíar- og handahófsskimun og 361 í annarri skimun hjá Íslenskri erfðagreiningu.

Bólusetningu er nú lokið hjá 4.789 einstaklingum og er hafin hjá 5.646 til viðbótar.

Fréttin hefur verið uppfærð. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.