Handbolti

Góður síðari hálf­leikur tryggði Haukum sigur

Runólfur Trausti Þórhallsson skrifar
Sara Odden var markahæst í liði Hauka í dag.
Sara Odden var markahæst í liði Hauka í dag. Vísir/Bára

Haukar unnu HK með sex marka mun í Olís-deild kvenna í handbolta í dag. Lokatölur að Ásvöllum 27-21.

Leikurinn var mjög jafn framan af fyrri hálfleik og í raun enginn munur á liðunum enda staðan 11-11 þegar flautað var til loka fyrri hálfleiks. Það sama var upp á teningnum í upphafi síðari hálfleiks og raunar komust gestirnir í HK yfir þegar tæpar tíu mínútur voru liðnar af hálfleiknum.

Þá sögðu Haukastúlkur einfaldlega hingað og ekki lengra. Þær skoruðu næstu þrjú mörk leiksins og komust yfir 17-15. Þær gáfu þá forystu ekki af hendi og unnu á endanum sex marka sigur, lokatölur 27-21.

Sara Odden var markahæst í liði Hauka með sjö mörk. Annika Friðheim Petersen varði 14 skot í markinu. Hjá HK var Krístin Guðmundsdóttir markahæst með sex mörk.

Haukar fara þar með upp fyrir HK í töflunni en bæði lið voru með fjögur stig fyrir leik dagsins.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.