Innlent

Bannað að leigja út bú­staði í Þing­valla­þjóð­garði í gegnum Airbnb

Sunna Kristín Hilmarsdóttir skrifar
Um sjötíu sumarhús eru innan þjóðgarðsins.
Um sjötíu sumarhús eru innan þjóðgarðsins. Vísir/Vilhelm

Þingvallanefnd hefur ákveðið að bannað verði að leigja út sumarbústaði sem eru í landi þjóðgarðsins á Þingvöllum í gegnum Airbnb eða aðrar sambærilegar leigur. Nefndin samþykkti að slíkt ákvæði færi inn í lóðaleigusamninga á fundi í desember. Ákvæðið gildir til næstu tíu ára.

Greint er frá þessu í Fréttablaðinu í dag. Þar segir að um sjötíu sumarhús séu innan þjóðgarðsins og hafði nefndin fengið fyrirspurnir frá eigendum húsanna sem vildu fá að setja húsin sín inn á slíkar leigur.

„Með þessu erum við að skýra betur það sem var í eldri lóðaleigusamningi,“ segir Einar Á. E. Sæmundsen, þjóðgarðsvörður á Þingvöllum, í samtali við Fréttablaðið.

Síðustu lóðaleigusamningar voru gerðir fyrir áratug. Síðan hafi mikið breyst varðandi ferðaþjónustu og leigu á húsnæði en að sögn Einars stóð í síðasta samningi að ekki mætta vera með atvinnurekstur á lóðinni.

„Þeir samningar voru gerðir fyrir áratug og það hefur mikið vatn runnið til sjávar síðan og allar þessar síður verða til. Við vildum setja þetta skýrt inn þannig að það væri ekki neinn vafi,“ segir Einar við Fréttablaðið.

Þingvellir Airbnb Ferðamennska á Íslandi Þjóðgarðar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið