Erlent

500 ára málverk fannst í skáp og enginn vissi að því hefði verið stolið

Samúel Karl Ólason skrifar
Talið er að nemandi Leonardo da Vinci hafi teiknað þessa mynd eftir upprunalegu málverki da Vinci í upphafi sextándu aldar.
Talið er að nemandi Leonardo da Vinci hafi teiknað þessa mynd eftir upprunalegu málverki da Vinci í upphafi sextándu aldar. EPA/CIRO FUSCO

Lögregluþjónar hafa handtekið mann á Ítalíu eftir að 500 ára gamalt málverk fannst í eldhússkáp hans. Málverkinu hafði verið stolið af safni en starfsmenn þess vissu þó ekki af þjófnaðinum.

Málverkið sem um ræðir er eftirmynd af málverki Leonardo da Vinci, Salvator Mundi, og er talið að nemandi da Vinci hafi málað það. Upprunalega mynd da Vinci er dýrasta málverk heimsins en það var selt fyrir 450,3 milljónir dala árið 2017 og hefur ekki sést síðan.

Sjá einnig: Svona fara 46 milljarðar á uppboði

Um miðja síðustu öld var málverkið selt í London fyrir um 45 pund. Þá var talið að það væri eftirlíking.

Samkvæmt frétt BBC hefur málverkið verið á safni í Napólí en starfsmenn safnsins vita ekki hvenær því var stolið eða hvernig. Málverkið var geymt í herbergi sem hafði ekki verið opnað í þrjá mánuði, eftir því sem þeir best vissu.

Síðast var staðfest að málverkið var á safninu fyrir ári síðan þegar það var flutt frá Róm til Napólí. Þá hafa engin ummerki innbrots fundist.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.