Úkraína biður FBI um aðstoð við rannsókn á tölvuinnbroti Kjartan Kjartansson skrifar 16. janúar 2020 14:00 Skrifstofur félags Burisma í Kænugarði. Trump forseti sóttist eftir rannsókn sem gæti skaðað pólitískan keppinaut hans. Rússneskir hakkarar eru taldir hafa brotist inn í tölvukerfi fyrirtækisins. Vísir/EPA Yfirvöld í Úkraínu hafa óskað eftir því við bandarísku alríkislögregluna FBI að hún aðstoði við rannsókn á innbroti í tölvukerfi gasfyrirtækisins Burisma sem talið er að rússneskir hakkarar hafi staðið fyrir. Burisma er í hringiðu rannsóknar á mögulegum embættisbrotum Donalds Trump Bandaríkjaforseta. Bandarískt tölvuöryggisfyrirtæki greindi frá því í vikunni að umfangsmiklum vefveiðum (e. Phishing) hafi verið beint gegn Burisma frá því í byrjun nóvember þegar rannsókn á þrýstingsherferð Trump forseta og bandamanna hans gegn úkraínskum stjórnvöldum komst í hámæli. Fyrirtækið telur að hakkarar á vegum leyniþjónustu rússneska hersins (GRU) hafi verið á ferð og að þeir hafi komist yfir upplýsingar frá Burisma. Ekki liggur fyrir hvaða upplýsingar þeir komust yfir eða eftir hverju þeir sóttust. Trump þrýsti ítrekað á Volodýmýr Zelenskíj, forseta Úkraínu, um að rannsaka Burisma og Joe Biden, fyrrverandi varaforseta Bandaríkjanna og mögulegan mótframbjóðanda Trump í forsetakosningum á þessu ári. Hann er sakaður um að hafa notað hundruð milljóna dollara hernaðaraðstoð og fund í Hvíta húsinu sem úkraínsk stjórnvöld sóttust eftir til að þvinga þau til að hefja rannsókn á Biden og Burisma. Reuters-fréttastofan segir að Artjom Minjaíló, innanríkisráðherra Úkraínu, hafi greint frá því að óskað hafi verið eftir liðsinni FBI við rannsóknina á tölvuinnbrotinu. Líklegt sé að rússnesk sérsveit hafi átt þátt í innbrotinu. Sami hópur tölvuþrjóta, sem hefur verið nefndur „Fínibjörn“ [e. Fancy Bear], braust inn í tölvupósta landsnefndar Demókrataflokksins og framboðs Hillary Clinton fyrir forsetakosningarnar árið 2016. Póstunum láku hakkararnir svo í gengum Wikileaks í aðdraganda kosninganna. Bandaríska leyniþjónustan komst að þeirri niðurstöðu að innbrotið hefði verið liður í afskiptum rússneskra stjórnvalda af forsetakosningunum en markmið þeirra var að hjálpa Trump til sigurs. Marie Yovanovitch var skyndilega kölluð heim sem sendiherra í apríl í kjölfar ófrægingarherferðar lögmanns Trump gegn henni.AP/J. Scott Applewhite Rannsaka mögulegar njósnir um sendiherra Bandaríkjanna Á sama tíma tilkynnti Minjaíló einnig að rannsókn væri hafin á mögulegu ólöglegu eftirliti með Marie Yovanovitch, fyrrverandi sendiherra Bandaríkjanna í Kænugarði. Í gögnum sem fulltrúadeild Bandaríkjaþings birti í vikunni var að finna skilaboð á milli þingframbjóðanda repúblikana og Lev Parnas, samverkamanns Rudy Giuliani, persónulegs lögmanns Trump forseta, þar sem fullyrt var að fylgst væri með Yovanovitch í Úkraínu. Yovanovitch var sendiherra þar til í apríl í fyrra þegar Trump forseti lét kalla hana heim í skyndi. Brottrekstur hennar kom í kjölfar ófrægingarherferðar sem Giuliani stóð fyrir gegn henni og embættismenn lýstu við rannsókn Bandaríkjaþings á þrýstingsherferð Trump gegn Úkraínu. Parnas og Giuliani voru meðal annars í sambandi við úkraínskan saksóknara sem vildi að þeir boluðu Yovanovitch í burtu í skiptum fyrir upplýsingar sem kæmu Biden illa. Yovanovitch hafði verið gagnrýnin á störf saksóknarans sem hún taldi ekki standa sig í að uppræta spillingu. Utanríkisráðuneyti Bandaríkjanna hefur ekkert tjáð sig um fullyrðingarnar um að fylgst hafi verið með Yovanovitch. Robert F. Hyde, frambjóðandi repúblikana í Connecticut, sem sagði að fylgst væri með sendiherranum, neitaði því algerlega í sjónvarpsviðtali í gær og hélt því fram að hann hefði verið að grínast þegar hann sagði Parnas það. Washington Post greindi frá því í dag að Hyde hefði verið lagður inn á geðdeild gegn vilja sínum eftir uppákomu í golfklúbbi Trump forseta í Doral á Flórída í maí í fyrra. Í lögregluskýrslu kom fram að Hyde hefði sagst telja að launmorðingi væri á hælum hans. Hann teldi sig mögulega í lífshættu vegna tölvupósta sem hann hafði sent. Óttaðist hann að málarar og garðyrkjumenn vildu skaða hann og að leyniþjónustan fylgdist með honum. Hyde var í kjölfarið lagður inn á geðdeild gegn vilja sínum á grundvelli laga í Flórída sem heimila slíkt í tilfelli geðsjúkdóma eða lyfjamisnotkunar. Ákæruferli þingsins gegn Trump Bandaríkin Donald Trump Forsetakosningar í Bandaríkjunum Rússland Úkraína Tengdar fréttir Rússar hökkuðu fyrirtæki sem tengist kæru þingsins gegn Trump Trump Bandaríkjaforseti reyndi að fá úkraínsk stjórnvöld til að rannsaka gasfyrirtækið Burisma og pólitískan andstæðing sinn. Nú beina rússneskir hakkarar spjótum sínum að fyrirtækinu. 14. janúar 2020 11:45 Bauð upplýsingar um Biden í skiptum fyrir brottrekstur sendiherra Ný gögn varpa frekara ljósi á tilraunir bandamanna Trump Bandaríkjaforseta til að grafa upp skaðlegar upplýsingar um pólitískan andstæðing hans í Úkraínu. 15. janúar 2020 11:00 Samverkamaður Giuliani bendlar Trump beint við Úkraínubraskið Lev Parnas, skjólstæðingur Rudy Giuliani, persónulegs lögmanns Trump Bandaríkjaforseta, heldur því fram að forsetinn hafi vitað allt um þrýstingsherferð Giuliani í Úkraínu. 16. janúar 2020 10:30 Mest lesið Kári hættur hjá Íslenskri erfðagreiningu Innlent Lokunin óásættanleg og muni leiða til verðhækkana fyrir íbúa Innlent Grunaður um að hafa frelsissvipt ferðamann í nokkrar klukkustundir Innlent „Við gerum ekki svona við börn“ Innlent Kári var harðákveðinn að hætta ekki sem forstjóri Innlent Segjast hafa lent í drónaárás á alþjóðlegu hafsvæði Erlent Hikar ekki við að lögsækja skyldi Rafmennt nota nafn skólans Innlent Drengnum sleppt en fleiri handteknir Erlent Munaði sex atkvæðum Erlent Mótmælt við ríkisstjórnarfund: „Oscar á heima hér“ Innlent Fleiri fréttir Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Segjast hafa lent í drónaárás á alþjóðlegu hafsvæði Drengnum sleppt en fleiri handteknir Munaði sex atkvæðum Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Sjá meira
Yfirvöld í Úkraínu hafa óskað eftir því við bandarísku alríkislögregluna FBI að hún aðstoði við rannsókn á innbroti í tölvukerfi gasfyrirtækisins Burisma sem talið er að rússneskir hakkarar hafi staðið fyrir. Burisma er í hringiðu rannsóknar á mögulegum embættisbrotum Donalds Trump Bandaríkjaforseta. Bandarískt tölvuöryggisfyrirtæki greindi frá því í vikunni að umfangsmiklum vefveiðum (e. Phishing) hafi verið beint gegn Burisma frá því í byrjun nóvember þegar rannsókn á þrýstingsherferð Trump forseta og bandamanna hans gegn úkraínskum stjórnvöldum komst í hámæli. Fyrirtækið telur að hakkarar á vegum leyniþjónustu rússneska hersins (GRU) hafi verið á ferð og að þeir hafi komist yfir upplýsingar frá Burisma. Ekki liggur fyrir hvaða upplýsingar þeir komust yfir eða eftir hverju þeir sóttust. Trump þrýsti ítrekað á Volodýmýr Zelenskíj, forseta Úkraínu, um að rannsaka Burisma og Joe Biden, fyrrverandi varaforseta Bandaríkjanna og mögulegan mótframbjóðanda Trump í forsetakosningum á þessu ári. Hann er sakaður um að hafa notað hundruð milljóna dollara hernaðaraðstoð og fund í Hvíta húsinu sem úkraínsk stjórnvöld sóttust eftir til að þvinga þau til að hefja rannsókn á Biden og Burisma. Reuters-fréttastofan segir að Artjom Minjaíló, innanríkisráðherra Úkraínu, hafi greint frá því að óskað hafi verið eftir liðsinni FBI við rannsóknina á tölvuinnbrotinu. Líklegt sé að rússnesk sérsveit hafi átt þátt í innbrotinu. Sami hópur tölvuþrjóta, sem hefur verið nefndur „Fínibjörn“ [e. Fancy Bear], braust inn í tölvupósta landsnefndar Demókrataflokksins og framboðs Hillary Clinton fyrir forsetakosningarnar árið 2016. Póstunum láku hakkararnir svo í gengum Wikileaks í aðdraganda kosninganna. Bandaríska leyniþjónustan komst að þeirri niðurstöðu að innbrotið hefði verið liður í afskiptum rússneskra stjórnvalda af forsetakosningunum en markmið þeirra var að hjálpa Trump til sigurs. Marie Yovanovitch var skyndilega kölluð heim sem sendiherra í apríl í kjölfar ófrægingarherferðar lögmanns Trump gegn henni.AP/J. Scott Applewhite Rannsaka mögulegar njósnir um sendiherra Bandaríkjanna Á sama tíma tilkynnti Minjaíló einnig að rannsókn væri hafin á mögulegu ólöglegu eftirliti með Marie Yovanovitch, fyrrverandi sendiherra Bandaríkjanna í Kænugarði. Í gögnum sem fulltrúadeild Bandaríkjaþings birti í vikunni var að finna skilaboð á milli þingframbjóðanda repúblikana og Lev Parnas, samverkamanns Rudy Giuliani, persónulegs lögmanns Trump forseta, þar sem fullyrt var að fylgst væri með Yovanovitch í Úkraínu. Yovanovitch var sendiherra þar til í apríl í fyrra þegar Trump forseti lét kalla hana heim í skyndi. Brottrekstur hennar kom í kjölfar ófrægingarherferðar sem Giuliani stóð fyrir gegn henni og embættismenn lýstu við rannsókn Bandaríkjaþings á þrýstingsherferð Trump gegn Úkraínu. Parnas og Giuliani voru meðal annars í sambandi við úkraínskan saksóknara sem vildi að þeir boluðu Yovanovitch í burtu í skiptum fyrir upplýsingar sem kæmu Biden illa. Yovanovitch hafði verið gagnrýnin á störf saksóknarans sem hún taldi ekki standa sig í að uppræta spillingu. Utanríkisráðuneyti Bandaríkjanna hefur ekkert tjáð sig um fullyrðingarnar um að fylgst hafi verið með Yovanovitch. Robert F. Hyde, frambjóðandi repúblikana í Connecticut, sem sagði að fylgst væri með sendiherranum, neitaði því algerlega í sjónvarpsviðtali í gær og hélt því fram að hann hefði verið að grínast þegar hann sagði Parnas það. Washington Post greindi frá því í dag að Hyde hefði verið lagður inn á geðdeild gegn vilja sínum eftir uppákomu í golfklúbbi Trump forseta í Doral á Flórída í maí í fyrra. Í lögregluskýrslu kom fram að Hyde hefði sagst telja að launmorðingi væri á hælum hans. Hann teldi sig mögulega í lífshættu vegna tölvupósta sem hann hafði sent. Óttaðist hann að málarar og garðyrkjumenn vildu skaða hann og að leyniþjónustan fylgdist með honum. Hyde var í kjölfarið lagður inn á geðdeild gegn vilja sínum á grundvelli laga í Flórída sem heimila slíkt í tilfelli geðsjúkdóma eða lyfjamisnotkunar.
Ákæruferli þingsins gegn Trump Bandaríkin Donald Trump Forsetakosningar í Bandaríkjunum Rússland Úkraína Tengdar fréttir Rússar hökkuðu fyrirtæki sem tengist kæru þingsins gegn Trump Trump Bandaríkjaforseti reyndi að fá úkraínsk stjórnvöld til að rannsaka gasfyrirtækið Burisma og pólitískan andstæðing sinn. Nú beina rússneskir hakkarar spjótum sínum að fyrirtækinu. 14. janúar 2020 11:45 Bauð upplýsingar um Biden í skiptum fyrir brottrekstur sendiherra Ný gögn varpa frekara ljósi á tilraunir bandamanna Trump Bandaríkjaforseta til að grafa upp skaðlegar upplýsingar um pólitískan andstæðing hans í Úkraínu. 15. janúar 2020 11:00 Samverkamaður Giuliani bendlar Trump beint við Úkraínubraskið Lev Parnas, skjólstæðingur Rudy Giuliani, persónulegs lögmanns Trump Bandaríkjaforseta, heldur því fram að forsetinn hafi vitað allt um þrýstingsherferð Giuliani í Úkraínu. 16. janúar 2020 10:30 Mest lesið Kári hættur hjá Íslenskri erfðagreiningu Innlent Lokunin óásættanleg og muni leiða til verðhækkana fyrir íbúa Innlent Grunaður um að hafa frelsissvipt ferðamann í nokkrar klukkustundir Innlent „Við gerum ekki svona við börn“ Innlent Kári var harðákveðinn að hætta ekki sem forstjóri Innlent Segjast hafa lent í drónaárás á alþjóðlegu hafsvæði Erlent Hikar ekki við að lögsækja skyldi Rafmennt nota nafn skólans Innlent Drengnum sleppt en fleiri handteknir Erlent Munaði sex atkvæðum Erlent Mótmælt við ríkisstjórnarfund: „Oscar á heima hér“ Innlent Fleiri fréttir Brand fær að ganga laus á meðan réttað er yfir honum Flokka Valkost fyrir Þýskaland sem öfgasamtök Segjast hafa lent í drónaárás á alþjóðlegu hafsvæði Drengnum sleppt en fleiri handteknir Munaði sex atkvæðum Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Sjá meira
Rússar hökkuðu fyrirtæki sem tengist kæru þingsins gegn Trump Trump Bandaríkjaforseti reyndi að fá úkraínsk stjórnvöld til að rannsaka gasfyrirtækið Burisma og pólitískan andstæðing sinn. Nú beina rússneskir hakkarar spjótum sínum að fyrirtækinu. 14. janúar 2020 11:45
Bauð upplýsingar um Biden í skiptum fyrir brottrekstur sendiherra Ný gögn varpa frekara ljósi á tilraunir bandamanna Trump Bandaríkjaforseta til að grafa upp skaðlegar upplýsingar um pólitískan andstæðing hans í Úkraínu. 15. janúar 2020 11:00
Samverkamaður Giuliani bendlar Trump beint við Úkraínubraskið Lev Parnas, skjólstæðingur Rudy Giuliani, persónulegs lögmanns Trump Bandaríkjaforseta, heldur því fram að forsetinn hafi vitað allt um þrýstingsherferð Giuliani í Úkraínu. 16. janúar 2020 10:30