Landsmenn tjá sig um Skaupið og sitt sýnist hverjum

Áramótaskaup Ríkissjónvarpsins er ómissandi þáttur af helgihaldinu um áramót á nær hverju einasta heimili landsins. Kannanir hafa löngum sýnt að Íslendingar láta þetta uppgjör ársins á gamansömum nótum ekki framhjá sér fara en í fyrra sátu rúmlega 70 prósent landsmanna límdir við sjónvarpstækið yfir Skaupinu.

Sjá einnig: Jón Gnarr leikstýrir Áramótaskaupinu

Í ár var mikill Fóstbræðrabragur á Skaupinu en Jón Gnarr, Sigurjón Kjartansson, Katla Margrét og Helga Braga voru í aðalhlutverkum. Aðdáendur Fóstbræðra voru flestir hverjir í skýjunum með að sjá kunnugleg andlit á borð við Indriða en vera má að aðrir hafi átt erfitt með að tengja við suma brandara.

Eins og alltaf sýnist sitt hverjum en hér að neðan má sjá umræðuna sem skapaðist á Twitter á meðan Skaupinu stóð og verður væntanlega framhaldið í nótt.

#skaupið Tweets