Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Í Sportinu í kvöld verður Ólafur Kristjánsson gestur en hann mun fara ítarlega yfir tímabilið 2010 þegar hann stýrði Breiðabliki til Íslandsmeistaratitils í fótbolta karla í fyrsta og eina sinn. Til viðbótar við Sport-þættina kennir ýmissa grasa á Stöð 2 Sport í dag. Má þar nefna úrslitaleiki úr Meistaradeild Evrópu, þátt um bestu bresku leikmennina í spænsku 1. deildinni í fótbolta, sögufræga leiki úr enska bikarnum í fótbolta og frábæran þátt af Atvinnumönnunum okkar þar sem Halldór Helgason snjóbrettakappi er heimsóttur.

Stöð 2 Sport 2

Fótboltinn verður í aðalhlutverki á Stöð 2 Sport 2 þar sem meðal annars má sjá bikarleik Chelsea og Liverpool frá því í mars, úrslitaleiki úr Meistaradeild Evrópu og leik Barcelona og Inter í vetur.

Stöð 2 Sport 3

Sýndir verða þættir um sígilda leiki úr enska bikarnum fram yfir hádegi á Stöð 2 Sport 3. Þar verða svo sýndar styttar útgáfur af sígildum leikjum úr úrvalsdeild karla í íslenska boltanum, og leikir úr úrslitum Dominos-deildar karla í körfubolta frá því í fyrra og frá árinu 2013.

Stöð 2 eSport

Á rafíþróttastöðinni Stöð 2 eSport verður La Liga mótið í FIFA 20 þar sem keppa þekktir leikmenn úr spænsku 1. deildinni og NBA- og NFL-deildunum. Einnig verður sýnd viðureign KR White og Fylkis frá því í gær í Vodafone-deildinni, og leikir Íslands við Skotland og Norður-Írland í FIFA 20 þar sem landsliðsmaðurinn Birkir Már Sævarsson var annar þeirra sem héldu um fjarstýringuna fyrir Íslands hönd.

Stöð 2 Golf

Ryder-bikarinn verður áberandi á Stöð 2 Golf en þar verður sýnt frá lokadeginum 2018, 2016 og 2014, auk fleira efnis.

Útsendingar dagsins má finna á heimasíðu Stöðvar 2.