Gylfalausir Swansea-menn unnu sterkan sigur | Sjáðu markið hjá Shelvey

Jonjo Shelvey tryggði Swansea mikilvægan á Southampton í seinni leik dagsins í ensku úrvalsdeildinni.

Shelvey skoraði eina mark leiksins sjö mínútum fyrir leikslok með góðu skoti fyrir utan vítateig. Markið má sjá í spilaranum hér að neðan.

Ryan Bertrand, vinstri bakvörður Southampton, fékk að líta rauða spjaldið einni mínútu fyrir leikslok fyrir ljótt brot.

Gylfi Þór Sigurðsson lék ekki með Swansea en hann tók út fyrsta leikinn af þremur í leikbanninu sem hann fékk fyrir rauða spjaldið gegn Blackburn í ensku bikarkeppninni um síðustu helgi.

Með sigrinum komust Svanirnir upp í 9. sæti deildarinnar með 33 stig. Southampton er hins vegar í 4. sæti með 42 stig.