Sakar fjölmiðla um að grafa undan mörkuðum með umfjöllun um veiruna Kjartan Kjartansson skrifar 26. febrúar 2020 16:33 Trump forseti hefur ríka pólitíska hagsmuni af því að kórónuveiran skaði ekki efnahaginn á kosningaári. Hann hefur gert lítið úr alvarleika veirunnar undanfarna daga. Vísir/EPA Hvíta húsið er sagt með böggum hildar yfir neikvæðum áhrifum kórónuveirufaraldursins á hlutabréfamarkaði af ótta við að það veiki stöðu Donald Trump forseta fyrir kosningar í haust. Trump sakar fjölmiðla um að kynda undir óróa á mörkuðum með umfjöllun um veiruna og hefur boðað til blaðamannafundar til að ræða hana í kvöld. Trump-stjórnin hefur sætt gagnrýni fyrir fáleg viðbrögð við kórónuveirunnar sem veldur Covid-19-sjúkdómnum og breiðist nú út um heiminn. Bent hefur verið á að Trump rak allt viðbragðateymi ríkisstjórnarinnar vegna heimsfaraldra og lagði niður embætti yfirmanns sóttvarna sem Obama-stjórnin kom á fót vegna ebólufaraldursins á sínum tíma, árið 2018. Í fjárlagatillögum sínum hefur Hvíta húsið jafnframt ítrekað lagt til verulegan niðurskurð á framlögum til Sóttvarnastofnunar Bandaríkjanna (CDC) og Heilbrigðisstofnunarinnar. Þingið hafnaði þeim tillögum. Engu að síður felldi stjórnin niður verkefni um fyrirbyggjandi varnir gegn smitsjúkdómum í þróunarlöndum. Forsetinn, ráðgjafar hans og Sóttvarnastofnunin hafa svo talað í kross um alvarleika ástandsins. Trump tísti um í vikunni að bandarísk yfirvöld hefðu stjórn á veirunni, sama dag og fulltrúar CDC sögðu opinberlega að „óumflýjanlegt“ væri að veiran bærist til Bandaríkjanna og raskaði daglegu lífi þar. Larry Kudlow, efnahagsráðgjafi Trump, fullyrti einnig að veirunni væri haldið nær algerlega í skefjum í Bandaríkjunum þrátt fyrir yfirlýsingu CDC. Trump hefur jafnframt haldið því fram að faraldurinn muni réna þegar vorar þrátt fyrir að sérfræðingar telji þá fullyrðingu vafasama. Stjórnin hefur aðeins reynt að vinda kvæði sínu í kross síðustu daga með því að biðja Bandaríkjaþing um meira fjármagn til að glíma við veiruna. Nú síðast greindi Politico frá því að Hvíta húsið íhugaði nú að ráða sérstakan yfirmann til þess að samhæfa viðbrögð alríkisstjórnarinnar við faraldrinum. Segir fjölmiðla reyna að mála skrattann á veginn Markaðir á Wall Street brögguðust aðeins í morgun eftir fall undanfarinna daga sem rakið var til óróa vegna áhrifa kórónuveirunnar á hagkerfi heimsins. Trump og Hvíta hús hans hafa sérstakar áhyggjur af mögulegum efnahagslegum áhrif veirunnar. Gott efnahagsástand í Bandaríkjunum hefur verið talið sterkustu rök Trump fyrir endurkjöri í forsetakosningunum í nóvember. Valdi kórónuveiran niðursveiflu á næstu mánuðum gæti það grafið undan möguleikum hans. Sakaði Trump því fjölmiðla og demókrata um að „gera allt mögulegt til að láta caronaveiruna [svo] virðast eins slæma og hægt er, þar á meðal með því að valda óðagoti á mörkuðum ef mögulegt“ í röð tísta þar sem hann stafaði nafn veirunnar rangt í dag. Tilkynnti hann um blaðamannafund sem hann ætlar að halda um kórónuveiruna ásamt fulltrúum sóttvarnastofnunarinnar klukkan 23:00 að íslenskum tíma í kvöld. „CDC og ríkisstjórn mín standa sig FRÁBÆRLEGA í að taka á kórónuveirunni, þar á meðal að loka landamærunum gagnvart ákveðum heimshlutum mjög snemma,“ tísti forsetinn. Árekstrar hafa þó átt sér stað innan alríkisstjórnar Trump. Utanríkisráðuneytið ákvað þannig að fljúga fjórtán Bandaríkjamönnum sem greindust með kórónuveiruna með hundruð annarra ósmitaðra einstaklinga frá Japan þvert á ráðleggingar sérfræðinga sóttvarnastofnunarinnar. Svo óánægð var stofnunin með ákvörðunina að hún baðst undan því að vera skrifuð fyrir fréttatilkynningu sem yfirvöld sendu út um hópnum hefði verið flogið heim. Low Ratings Fake News MSDNC (Comcast) & @CNN are doing everything possible to make the Caronavirus look as bad as possible, including panicking markets, if possible. Likewise their incompetent Do Nothing Democrat comrades are all talk, no action. USA in great shape! @CDCgov.....— Donald J. Trump (@realDonaldTrump) February 26, 2020 Bandaríkin Donald Trump Faraldur kórónuveiru (COVID-19) Forsetakosningar í Bandaríkjunum Tengdar fréttir Smituðum fjölgar í Evrópu og víðar Verið er að grípa til umfangsmikilla aðgerða vegna Covid-19, sjúkdómsins sem nýja kórónuveiran veldur, víða um heim því á sama tíma og dregið hefur úr fjölgun smitaðra í Kína, fjölgar smituðum hratt annarsstaðar í heiminum. 25. febrúar 2020 21:30 Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Skiptar skoðanir um stækkun Þjóðleikhússins Innlent Þýska velferðarríkið standi ekki lengur undir sér Erlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Fleiri fréttir Þýska velferðarríkið standi ekki lengur undir sér Á sjöunda tug drepin í stórtækum árásum Ríkisstjóri Illinois sakar Trump um valdníðslu Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Sjá meira
Hvíta húsið er sagt með böggum hildar yfir neikvæðum áhrifum kórónuveirufaraldursins á hlutabréfamarkaði af ótta við að það veiki stöðu Donald Trump forseta fyrir kosningar í haust. Trump sakar fjölmiðla um að kynda undir óróa á mörkuðum með umfjöllun um veiruna og hefur boðað til blaðamannafundar til að ræða hana í kvöld. Trump-stjórnin hefur sætt gagnrýni fyrir fáleg viðbrögð við kórónuveirunnar sem veldur Covid-19-sjúkdómnum og breiðist nú út um heiminn. Bent hefur verið á að Trump rak allt viðbragðateymi ríkisstjórnarinnar vegna heimsfaraldra og lagði niður embætti yfirmanns sóttvarna sem Obama-stjórnin kom á fót vegna ebólufaraldursins á sínum tíma, árið 2018. Í fjárlagatillögum sínum hefur Hvíta húsið jafnframt ítrekað lagt til verulegan niðurskurð á framlögum til Sóttvarnastofnunar Bandaríkjanna (CDC) og Heilbrigðisstofnunarinnar. Þingið hafnaði þeim tillögum. Engu að síður felldi stjórnin niður verkefni um fyrirbyggjandi varnir gegn smitsjúkdómum í þróunarlöndum. Forsetinn, ráðgjafar hans og Sóttvarnastofnunin hafa svo talað í kross um alvarleika ástandsins. Trump tísti um í vikunni að bandarísk yfirvöld hefðu stjórn á veirunni, sama dag og fulltrúar CDC sögðu opinberlega að „óumflýjanlegt“ væri að veiran bærist til Bandaríkjanna og raskaði daglegu lífi þar. Larry Kudlow, efnahagsráðgjafi Trump, fullyrti einnig að veirunni væri haldið nær algerlega í skefjum í Bandaríkjunum þrátt fyrir yfirlýsingu CDC. Trump hefur jafnframt haldið því fram að faraldurinn muni réna þegar vorar þrátt fyrir að sérfræðingar telji þá fullyrðingu vafasama. Stjórnin hefur aðeins reynt að vinda kvæði sínu í kross síðustu daga með því að biðja Bandaríkjaþing um meira fjármagn til að glíma við veiruna. Nú síðast greindi Politico frá því að Hvíta húsið íhugaði nú að ráða sérstakan yfirmann til þess að samhæfa viðbrögð alríkisstjórnarinnar við faraldrinum. Segir fjölmiðla reyna að mála skrattann á veginn Markaðir á Wall Street brögguðust aðeins í morgun eftir fall undanfarinna daga sem rakið var til óróa vegna áhrifa kórónuveirunnar á hagkerfi heimsins. Trump og Hvíta hús hans hafa sérstakar áhyggjur af mögulegum efnahagslegum áhrif veirunnar. Gott efnahagsástand í Bandaríkjunum hefur verið talið sterkustu rök Trump fyrir endurkjöri í forsetakosningunum í nóvember. Valdi kórónuveiran niðursveiflu á næstu mánuðum gæti það grafið undan möguleikum hans. Sakaði Trump því fjölmiðla og demókrata um að „gera allt mögulegt til að láta caronaveiruna [svo] virðast eins slæma og hægt er, þar á meðal með því að valda óðagoti á mörkuðum ef mögulegt“ í röð tísta þar sem hann stafaði nafn veirunnar rangt í dag. Tilkynnti hann um blaðamannafund sem hann ætlar að halda um kórónuveiruna ásamt fulltrúum sóttvarnastofnunarinnar klukkan 23:00 að íslenskum tíma í kvöld. „CDC og ríkisstjórn mín standa sig FRÁBÆRLEGA í að taka á kórónuveirunni, þar á meðal að loka landamærunum gagnvart ákveðum heimshlutum mjög snemma,“ tísti forsetinn. Árekstrar hafa þó átt sér stað innan alríkisstjórnar Trump. Utanríkisráðuneytið ákvað þannig að fljúga fjórtán Bandaríkjamönnum sem greindust með kórónuveiruna með hundruð annarra ósmitaðra einstaklinga frá Japan þvert á ráðleggingar sérfræðinga sóttvarnastofnunarinnar. Svo óánægð var stofnunin með ákvörðunina að hún baðst undan því að vera skrifuð fyrir fréttatilkynningu sem yfirvöld sendu út um hópnum hefði verið flogið heim. Low Ratings Fake News MSDNC (Comcast) & @CNN are doing everything possible to make the Caronavirus look as bad as possible, including panicking markets, if possible. Likewise their incompetent Do Nothing Democrat comrades are all talk, no action. USA in great shape! @CDCgov.....— Donald J. Trump (@realDonaldTrump) February 26, 2020
Bandaríkin Donald Trump Faraldur kórónuveiru (COVID-19) Forsetakosningar í Bandaríkjunum Tengdar fréttir Smituðum fjölgar í Evrópu og víðar Verið er að grípa til umfangsmikilla aðgerða vegna Covid-19, sjúkdómsins sem nýja kórónuveiran veldur, víða um heim því á sama tíma og dregið hefur úr fjölgun smitaðra í Kína, fjölgar smituðum hratt annarsstaðar í heiminum. 25. febrúar 2020 21:30 Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Skiptar skoðanir um stækkun Þjóðleikhússins Innlent Þýska velferðarríkið standi ekki lengur undir sér Erlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Fleiri fréttir Þýska velferðarríkið standi ekki lengur undir sér Á sjöunda tug drepin í stórtækum árásum Ríkisstjóri Illinois sakar Trump um valdníðslu Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Hefur áhyggjur af gervigreind sem virðist sjálfsmeðvituð Engir hermenn í Úkraínu og enginn fundur með Pútín Kalla tugi þúsunda til herþjónustu Öflugasti sjónaukinn fann áður óþekkt tungl í sólkerfinu „Stríðin“ sex, stundum sjö, sem Trump segist hafa stöðvað Kirkjan í Kiruna komin á áfangastað Frambjóðandi sem ræddi um morð á hundi farinn í hundana Nýtt flaggskip Rússa á sjó eftir tuttugu og fimm ár í slipp Sjá meira
Smituðum fjölgar í Evrópu og víðar Verið er að grípa til umfangsmikilla aðgerða vegna Covid-19, sjúkdómsins sem nýja kórónuveiran veldur, víða um heim því á sama tíma og dregið hefur úr fjölgun smitaðra í Kína, fjölgar smituðum hratt annarsstaðar í heiminum. 25. febrúar 2020 21:30