Brasilískir fjölmiðlar: Grínarinn sem varð kókaínsmyglari

Brasilískir fjölmiðlar hafa mikinn áhuga á Ragnari Erling Hermannssyni en blaðið Diario De Pernambuco fjallar um feril Ragnars í raunveruleikaþættinu Strákarnir okkar. Í greininni er svo myndskeið úr þáttunum þar sem rætt er við Ragnar.

Í greininni segir að draumur Ragnars um að verða að raunveruleikastjörnu hafi endað í Cotel fangelsinu alræmda í Recifé í Brasilíu. Rætt er við fréttamann Stöðvar 2, Guðjón Helgason, í greininni. Hann segir í viðtalinu að Ragnar hafi ekki verið frægur hér á Íslandi - fyrr en hann var handtekinn með tæp sex kíló af kókaíni í Brasilíu.

Í greininni kemur einnig fram að kókaínið sem Ragnar var með undir höndum hafi verið frá Kólumbíu. Efnið hafi að auki verið mjög sterkt.

Hægt er að nálgast fréttina hér.