Fréttablaðið með yfirburðastöðu á markaði

Ný könnun Capacents Gallup á lestri tveggja stærstu dagblaðanna sýnir að Fréttablaðið heldur yfirburðastöðu sinni.

Niðurstöður könnunarinnar benda til að lestur Fréttablaðsins og Morgunblaðsins minnkar töluvert á tímabilinu febrúar-apríl frá tímabilinu nóvember-janúar síðastliðnum. Lestur Fréttablaðsins dregst þó heldur minna saman en lestur Morgunblaðsins. Meðallestur Fréttablaðsins dregst saman um 1,8 en lestur Morgunblaðsins dregst saman um 2,6%.

Að meðal tali lásu 61,9% svarenda Fréttablaðið á tímabilinu febrúar til apríl en 63,7% á tímabilinu nóvember til janúar. Á tímabilinu febrúar - apríl lásu 40,1% Morgunblaðið en á tímabilinu nóvember til janúar lásu 42,7% blaðið.