Iceland Travel stefnir á markað á næstu árum Kristinn Ingi Jónsson skrifar 17. ágúst 2017 06:00 Fyrirtæki sem þjónusta ferðamenn leita nú leiða til að sameinast og hagræða til þess að mæta sterkari krónu og aukinni samkeppni. vísir/pjetur Til stendur að skrá sameinað félag Iceland Travel og Gray Line á hlutabréfamarkað á næstu árum, að sögn Þóris Garðarssonar, eins eigenda Gray Line. Hann segir jákvætt ef Íslendingar og hérlendir fagfjárfestar fá tækifæri til þess að fjárfesta í ferðaþjónustufyrirtæki. Dreifðara eignarhald í ferðaþjónustu sé til bóta. Tilkynnt var um sameiningu félaganna tveggja í síðustu viku. Iceland Travel er ferðaskrifstofa í eigu Icelandair Group, en starfsemi hins félagsins, Allrahanda GL, sem er leyfishafi Gray Line Worldwide á Íslandi, felst einkum í skipulögðum dagsferðum og afþreyingu fyrir ferðamenn. Viðskiptin eru háð ýmsum fyrirvörum, svo sem samþykki Samkeppniseftirlitsins og niðurstöðu áreiðanleikakönnunar. Samanlögð velta félaganna tveggja var um fimmtán milljarðar króna í fyrra og er búist við að hún verði um átján milljarðar í ár. Þórir segir félagið þurfa að ná um tuttugu milljarða veltu til þess að eiga erindi á hlutabréfamarkað. „Markmiðið er að félagið fari á markað fyrir lok árs 2021,“ segir hann í samtali við blaðið.Þórir Garðarsson, einn eigenda Gray Line á ÍslandiLítið hefur verið um nýskráningar á aðalmarkað Kauphallar Íslands undanfarin tvö ár. Í fyrra var einungis eitt nýtt félag skráð, Skeljungur, og árið 2015 voru þrjú félög skráð, en það voru fasteignafélögin Reitir og Eik og fjarskiptafélagið Síminn. Útlit er fyrir að eitt félag komi inn á hlutabréfamarkaðinn í ár, leigufélagið Heimavellir, en skráning félagsins er fyrirhuguð á síðasta fjórðungi ársins. Þá er stefnt að skráningu Almenna leigufélagsins innan fáeinna ára. Páll Harðarson, forstjóri Kauphallarinnar, sagði í samtali við Viðskiptablaðið fyrr í sumar að auk Heimavalla væru þrjú félög að skoða skráningu á markað. Aðeins eitt ferðaþjónustufyrirtæki, Icelandair Group, er skráð í Kauphöllina en þó ber að hafa í huga að mörg Kauphallarfélög, til dæmis Hagar, N1, Skeljungur, þjónusta ferðamenn með einum eða öðrum hætti. Þórir segir samkeppnina mikla á markaðinum. „Fyrirtæki eru alltaf að stækka og það er orðið algengara að erlend fyrirtæki komi hingað til lands. Ferðaþjónusta er landamæralaus viðskipti og það er ekkert náttúrulögmál að ferðamenn velji Ísland fram yfir aðra áfangastaði,“ segir hann. Sameinað félag sé betur í stakk búið til þess að takast á við harðnandi alþjóðlega samkeppni og markaðssetja Ísland á erlendum mörkuðum. Björgólfur Jóhannsson, forstjóri Icelandair Group, segir að í ljósi mikillar samkeppni sé afar mikilvægt að rekstrareiningar séu hagkvæmar og að ferðaþjónustufyrirtæki leiti allra leiða til að straumlínulaga rekstur sinn. Greinendur hafa tekið undir þetta og lagt áherslu á mikilvægi þess að fyrirtækin búi til stærri og hagkvæmari rekstrareiningar til þess að bæta megi arðsemi íslenskrar ferðaþjónustu. Þórir segir ferðaþjónustufyrirtæki hér á landi fremur lítil. Það vanti stærri fyrirtæki sem hafi hag af því að laða ferðamenn til landsins. Líklegt sé að önnur fyrirtæki á markaðinum horfi á næstu árum í meira mæli til sameiningar. Birtist í Fréttablaðinu Mest lesið Ráðinn framkvæmdastjóri Landssambands veiðifélaga Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Gæti átt yfir höfði sér allt að sex ára fangelsi Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Forstjóri Play íhugar að fljúga frekar til Íslands en frá Viðskipti innlent Base parking gjaldþrota Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Til stendur að skrá sameinað félag Iceland Travel og Gray Line á hlutabréfamarkað á næstu árum, að sögn Þóris Garðarssonar, eins eigenda Gray Line. Hann segir jákvætt ef Íslendingar og hérlendir fagfjárfestar fá tækifæri til þess að fjárfesta í ferðaþjónustufyrirtæki. Dreifðara eignarhald í ferðaþjónustu sé til bóta. Tilkynnt var um sameiningu félaganna tveggja í síðustu viku. Iceland Travel er ferðaskrifstofa í eigu Icelandair Group, en starfsemi hins félagsins, Allrahanda GL, sem er leyfishafi Gray Line Worldwide á Íslandi, felst einkum í skipulögðum dagsferðum og afþreyingu fyrir ferðamenn. Viðskiptin eru háð ýmsum fyrirvörum, svo sem samþykki Samkeppniseftirlitsins og niðurstöðu áreiðanleikakönnunar. Samanlögð velta félaganna tveggja var um fimmtán milljarðar króna í fyrra og er búist við að hún verði um átján milljarðar í ár. Þórir segir félagið þurfa að ná um tuttugu milljarða veltu til þess að eiga erindi á hlutabréfamarkað. „Markmiðið er að félagið fari á markað fyrir lok árs 2021,“ segir hann í samtali við blaðið.Þórir Garðarsson, einn eigenda Gray Line á ÍslandiLítið hefur verið um nýskráningar á aðalmarkað Kauphallar Íslands undanfarin tvö ár. Í fyrra var einungis eitt nýtt félag skráð, Skeljungur, og árið 2015 voru þrjú félög skráð, en það voru fasteignafélögin Reitir og Eik og fjarskiptafélagið Síminn. Útlit er fyrir að eitt félag komi inn á hlutabréfamarkaðinn í ár, leigufélagið Heimavellir, en skráning félagsins er fyrirhuguð á síðasta fjórðungi ársins. Þá er stefnt að skráningu Almenna leigufélagsins innan fáeinna ára. Páll Harðarson, forstjóri Kauphallarinnar, sagði í samtali við Viðskiptablaðið fyrr í sumar að auk Heimavalla væru þrjú félög að skoða skráningu á markað. Aðeins eitt ferðaþjónustufyrirtæki, Icelandair Group, er skráð í Kauphöllina en þó ber að hafa í huga að mörg Kauphallarfélög, til dæmis Hagar, N1, Skeljungur, þjónusta ferðamenn með einum eða öðrum hætti. Þórir segir samkeppnina mikla á markaðinum. „Fyrirtæki eru alltaf að stækka og það er orðið algengara að erlend fyrirtæki komi hingað til lands. Ferðaþjónusta er landamæralaus viðskipti og það er ekkert náttúrulögmál að ferðamenn velji Ísland fram yfir aðra áfangastaði,“ segir hann. Sameinað félag sé betur í stakk búið til þess að takast á við harðnandi alþjóðlega samkeppni og markaðssetja Ísland á erlendum mörkuðum. Björgólfur Jóhannsson, forstjóri Icelandair Group, segir að í ljósi mikillar samkeppni sé afar mikilvægt að rekstrareiningar séu hagkvæmar og að ferðaþjónustufyrirtæki leiti allra leiða til að straumlínulaga rekstur sinn. Greinendur hafa tekið undir þetta og lagt áherslu á mikilvægi þess að fyrirtækin búi til stærri og hagkvæmari rekstrareiningar til þess að bæta megi arðsemi íslenskrar ferðaþjónustu. Þórir segir ferðaþjónustufyrirtæki hér á landi fremur lítil. Það vanti stærri fyrirtæki sem hafi hag af því að laða ferðamenn til landsins. Líklegt sé að önnur fyrirtæki á markaðinum horfi á næstu árum í meira mæli til sameiningar.
Birtist í Fréttablaðinu Mest lesið Ráðinn framkvæmdastjóri Landssambands veiðifélaga Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Gæti átt yfir höfði sér allt að sex ára fangelsi Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Forstjóri Play íhugar að fljúga frekar til Íslands en frá Viðskipti innlent Base parking gjaldþrota Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira