Innlent

Norræna kom til hafnar á Seyðisfirði í morgun

Andri Eysteinsson skrifar
Norræna við höfn í Seyðisfirði í morgun.
Norræna við höfn í Seyðisfirði í morgun. Mynd/Víðir Gunnarsson

Farþegaskipið Norræna eða Norröna kom til hafnar á Seyðisfirði í morgun, talsverð röskun hefur verið á áætlun skipsins undanfarið vegna faraldurs kórónuveiru en vegna takmarkana í Danmörku hefur ekki verið unnt að fara um borð í skipið utan Þórshafnar og Hirtshals.

Munu áætlanir Norrænu því riðlast til 16. maí hið minnsta en áætlað er að takmörkunum verði aflétt í Danaveldi þann 10. næsta mánaðar.

Á upplýsingafundi Almannavarna í gær sagði Víðir Reynisson, yfirlögregluþjónn hjá almannavarnadeild ríkislögreglustjóra að engar nýjar reglur hefðu verið teknar í gildi vegna komu norrænu.

„Flestir sem eru að koma með Norrænu sem ekki eru Íslendingar eru verkamenn sem eru að koma til landsins til að vinna í ákveðnum verkefnum og fara í sóttkví B,“ sagði Víðir á fundinum. Sóttkví B felur í sér að fólk fari í sóttkví saman en geti samt sem áður unnið að ákveðnum verkefnum sem það kemur hingað til lands til að sinna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.