Sport

Formúlan heldur áfram að fresta eða aflýsa kappökstrum

Anton Ingi Leifsson skrifar
Heimsmeistarinn Lewis Hamilton keppir ekkert á næstunni.
Heimsmeistarinn Lewis Hamilton keppir ekkert á næstunni. vísir/getty

Það er ljóst að formúlan mun ekki taka létt á kórónuveirunni en forráðamenn formúlunnar eru nú þegar byrjaðir að fresta keppnum sem eiga að fara fram í júnímánuði.

Keppa átti í Aserbaídsjan þann 7. júní, nánar tiltekið í Bakú, en nú hefur sú keppni verið blásin af. Það er áttunda keppnin sem er blásin af eða frestað vegna veirunnar.

Tilkynnt var um ákvörðunina í morgun og segir í tilkynningunni að eftir samtal við forráðamenn formúlunnar sem og ríkisstjórn landsins hafi verið ákveðið að fresta keppninni vegna veirunnar.

Forráðamenn formúlunnar voru lengi að bregðast við en það var ekki fyrr en einn meðlimur McLaren greindist með kóronuveiruna að þeir blésu ástralska kappaksturinn af. Hann átti að fara fram 15. mars.

Síðan þá hefur hverri keppninni á fætur annarri verið frestað en eins og áður segir eru þær átta talsins sem hefur annað hvort verið frestað eða blásnar af.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.