Erlent

Norðmaður vann 4,5 milljarða

Tryggvi Páll Tryggvason skrifar
Dregið var í Víkingalottóinu í kvöld.
Dregið var í Víkingalottóinu í kvöld. Vísir/Vilhelm

Það er óhætt að segja að jólin verði sérstaklega ánægjuleg í ár hjá stálheppnum Norðmanni sem vann 4,5 milljarða í Víkingalottóinu í kvöld.

Sá hinn sami var með allar tölur réttar auk víkingatölunnar svokölluðu og hlaut hann því 1. vinning eða rétt rúmlega 4,5 milljarða íslenskra króna.

Tveir Íslendingar voru hins megar með 4. vinning og fá þeir 256 þúsund krónur hvor í sinn hlut.

Fimm voru með fjórar réttar tölur í réttri röð í Jókernum og hlýtur hver þeirra 100 þúsund krónur í vinning. Miðarnir voru keyptir á eftirtöldum stöðum; Hagkaup Furuvöllum á Akureyri, Prinsinum Hraunbæ í Reykjavík, N1 á Ægissíðu í Reykjavík, einn miðinn var keyptur á lotto.is og einn miði var í áskrift.

Vinningstölur kvöldsins voru 4-6-31-32-37-47 og víkingatalan var 8.

Noregur Fjárhættuspil
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið