Lífið

Fjallmönnum fylgt í erfiðum leitum á Landmannaafrétti

Kristján Már Unnarsson skrifar
Kristinn Guðnason er fjallkóngur og réttarstjóri Land- og Holtamanna, oftast kenndur við Skarð þótt hann búi núna í Árbæjarhjáleigu.
Kristinn Guðnason er fjallkóngur og réttarstjóri Land- og Holtamanna, oftast kenndur við Skarð þótt hann búi núna í Árbæjarhjáleigu. Einar Árnason

Fjárleitir Land- og Holtamanna á Landmannaafrétti í síðari hluta septembermánaðar í haust voru með þeim erfiðustu um árabil sökum illviðris sem göngumenn hrepptu á hálendinu. Fjallkóngurinn Kristinn Guðnason fór þar fyrir flokki fimmtíu fjallmanna en göngunum lauk á sjöunda degi með réttum í Áfangagili norðan Heklu.

Áhorfendur Stöðvar 2 fá tækifæri til að fylgjast með smalamennskunni í þættinum Um land allt. Að sögn Kristins er mikil ásókn í að fá að taka þátt í leitunum hvert haust og komast færri að en vilja. Athygli vekur hvað hlutur kvenna er orðinn stór en þær voru álíka margar og karlar að þessu sinni.

Frá fjárrekstrinum í haustKarl Grau

Landmannaafréttur er norðaustan Heklu, afmarkast af Tungnaá og Torfajökli, og er víðast hvar í yfir sexhundruð metra hæð yfir sjávarmáli. Talið er að bændur í Rangárvallasýslu hafi rekið fé þangað til sumarbeitar allt frá landnámsöld. Göngurnar gætu þannig verið einhver elsti þáttur í þjóðmenningu Íslendinga.

„Þessi fjallferð er klárlega mesti menningarviðburður sveitarinnar,“ segir Erlendur Ingvarsson, bóndi í Skarði í Landsveit.

Féð rekið niður með Helliskvísl. Skálarnir við Landmannahelli sjást fjær.Karl Grau.

Blikur eru á lofti um framtíð upprekstrar á hálendið. Kröfur hafa komið fram um bann við lausagöngu búfjár og friðun afrétta og hefur Landmannaafréttur meðal annars verið nefndur í því sambandi.

Þátturinn er á dagskrá í kvöld, mánudagskvöld, kl. 19.10. Hér má sjá kynningarstiklu þáttarins:


Tengdar fréttir

Hápunktur ársins að smala með íslenskum bændum

Ráðskonurnar í fjárleitunum á Landmannaafrétti eru ákveðnar í því að reglum um sóttvarnir og aðskilnað smalamanna sé fylgt. Erlendir ferðamenn gengust undir sóttkví og tvöfalda skimun til að fá að taka þátt í leitunum, sem þeir segja hápunkt ársins.

Smalakonur í hríðarbyl segja skítkalt en ógeðslega gaman

Tugir karla og kvenna eru þessa dagana lengst inni á hálendi við fjárleitir í hríðarbyljum á Landmannaafrétti. Jöfn kynjahlutföll eru í hópi smalamanna þetta haustið en þetta er fertugasta árið sem Kristinn Guðnason í Skarði er fjallkóngur.

Öldungurinn segir þetta bara sýnishorn af réttum

Líf og fjör var í Landréttum norðan Heklu í dag eftir erfiðar leitir á hálendinu. Barnafjölskyldur fjölmenntu en aðgangstakmarkanir vegna covid giltu aðeins um fullorðna. Myndir úr réttunum mátti sjá í fréttum Stöðvar 2.

Landgræðslustjóri vill banna lausagöngu búfjár á Íslandi

Landgræðslustjóri vill banna lausagöngu búfjár á Íslandi. Hann bendir á að ríkið verji hálfum milljarði króna á hverju ári í girðingar til að verjast sauðfé og að þetta gæti einnig auðveldað bændum að smala.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.