Hertz, líkt og aðrar bílaleigur, hafa orðið fyrir algeru hruni í tekjum vegna heimsfaraldursins.Vísir/Vilhelm
66 starfsmenn bílaleigunnar Hertz á Íslandi, sem sagt var upp störfum í haust, verða endurráðnir.
Þetta segir Sigfús Bjarni Sigfússon, forstjóri Hertz, í samtali við Morgunblaðið.
Sigfús Bjarni segir að sökum ástandsins á markaði vegna heimsfaraldursins hafi fyrirtækið neyðst til að segja upp svo gott sem öllum í september, en að nú sé mikil bjartsýni á markaðnum.
Hafi fréttir um bóluefni haft jákvæð áhrif, þó hann segi enn óljóst hvenær ferðamenn muni aftur láta sjá sig hér á landi.
Sigfús Bjarni sagði í samtali við Vísi í lok september að síðustu sumur, ef frá er talið síðastliðið sumar, hafi starfsmenn fyrirtækisins verið milli 130 og 140. Í haust hafi þeir verið um helmingur af þeim fjölda og hafi þeim svo nær öllum verið sagt upp.
Öllu starfsfólki bílaleigunnar Hertz á Íslandi var sagt upp fyrir helgi. Var alls um 66 manns að ræða.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
