Karl Steinar stýrir alþjóðasviði ríkislögreglustjóra

Atli Ísleifsson skrifar 4. desember 2020 14:08

Karl Steinar Valsson hefur störf í nýju embætti um áramótin. Lögreglan

Karl Steinar Valsson, yfirlögregluþjónn miðlægrar rannsóknardeildar hjá Lögreglunni á höfuðborgarsvæðinu, hefur verið ráðinn yfirlögregluþjónn alþjóðasviðs ríkislögreglustjóra.

Þetta kemur fram í tilkynningu á vef lögreglunnar, en Karl Steinar á að baki 35 ára starfsferil innan lögreglunnar.

„Hann hefur verið stjórnandi ýmissa eininga frá 1997 nú síðast yfirlögregluþjónn miðlægrar rannsóknardeildar hjá Lögreglunni á höfuðborgarsvæðinu.

Þar áður starfaði hann sem tengslafulltrúi Íslands hjá Europol ár árunum 2014-2018 þar sem hann var meðal annars ábyrgur fyrir stefnumótun og framtíðarstefnu Íslands á sviði samvinnu við aðgerðir gegn skipulagðri brotastarfsemi.

Auk lögreglumenntunar hefur Karl Steinar fjölbreytta menntun að baki, meðal annars í verkefnastjórnun og leiðtogaþjálfun, MBA frá Háskólanum í Reykjavík sem og stjórnendaþjálfun frá Bandarísku alríkislögreglunni,“ segir í tilkynningunni

Karl Steinar mun hefja störf hjá embætti ríkislögreglustjóra 1. janúar næstkomandi.

Lögreglan Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.