Erlent

Ekki fleiri smit innan konungs­fjöl­skyldunnar

Sylvía Hall skrifar
Karl Gústaf Svíakonungur og Silvía drottning reyndust ekki smituð af kórónuveirunni.
Karl Gústaf Svíakonungur og Silvía drottning reyndust ekki smituð af kórónuveirunni. Getty/Michael Campanella

Karl Gústaf Svíakonungur, Silvía drottning, Viktoría krónprinsessa og Daníel prins eru ekki smituð af kórónuveirunni.

Karl Gústaf Svíakonungur, Silvía drottning, Viktoría krónprinsessa og Daníel prins eru ekki smituð af kórónuveirunni. Voru þau öll skimuð í dag eftir að Karl Filippus og Sofía prinsessa, eiginkona hans, greindust með Covid-19.

Samkvæmt tilkynningu sænsku konungshallarinnar eru Karl Filippus og Sofía við ágæta heilsu. Þau finni fyrir flensueinkennum en líði eftir atvikum vel.

Upplýsingafulltrúi konungsfjölskyldunnar segir að fjölskyldan hafi öll komið saman síðastliðinn föstudag við útför Walther Sommerlath, bróður Silvíu drottningar.

Kórónuveirufaraldurinn hefur sótt í sig veðrið í Svíþjóð og hafa dagleg smit aldrei verið fleiri. Rúmlega 5.800 greindust með veiruna í gær og 67 létust. 220 eru á gjörgæslu þar í landi.

Sóttvarnayfirvöld í Svíþjóð segjast búast við því að önnur bylgja kórónuveirufaraldursins sem nú geisar þar nái hámarki sínu um miðjan desember.

Svíþjóð Faraldur kórónuveiru (COVID-19) Kóngafólk Karl Gústaf XVI Svíakonungur

Tengdar fréttir

Svíar búast við hámarki bylgjunnar í desember

Sóttvarnayfirvöld í Svíþjóð segjast búast við því að önnur bylgja kórónuveirufaraldursins sem nú geisar þar nái hámarki sínu um miðjan desember. Þróun faraldursins velti þó á því að almenningur fylgi sóttvarnatilmælum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið