Kínverjar senda geimfar til tunglsins

Gunnar Reynir Valþórsson skrifar 24. nóvember 2020 08:15

Kínverjar skutu í nótt geimfari á loft sem ætlað er að fara til tunglsins og koma til baka með tunglgrjót.

Ef allt gengur að óskum ætti geimfarið að snúa til baka um miðjan desember. Þetta er í fyrsta sinn í rúm fjörutíu ár sem grjót af tunglinu er flutt til Jarðar en Bandaríkjamenn og Sovétmenn voru duglegir við þá iðju þegar geimferðakapphlaupið stóð sem hæst.

Kínverjar vilja nú verða þriðja þjóðin sem gerir þetta en um afar flókna aðgerð er að ræða. Grjótið sem Kínverjar ætla að sækja er talið vera mun yngra í jarðsögulegu tilliti heldur en grjótið sem Sovétmenn og Bandaríkjamenn náðu í.

Því ættu steinarnir að gefa vísindamönnum aukna möguleika til rannsókna á sólkerfinu og tilurð þess.

Kína Geimurinn Tunglið

Tengdar fréttir

Kínverjar ætla sér að sækja mánasteina

Könnunargeimfar sem Kínverjar ætla að skjóta á loft í vikunni á að safna grjóti á tunglinu og koma með aftur til jarðar.

22. nóvember 2020 12:35

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.