Annasöm nótt hjá lögreglu

Kjartan Kjartansson skrifar 22. nóvember 2020 07:24

Í mörg horn var að líta fyrir lögreglan á höfuðborgarsvæðinu í nótt. Vísir/Vilhelm

Eldur í báti við Grandagarð í Reykjavík var á meðal fjölda verkefna sem lögreglan á höfuðborgarsvæðinu sinnti í nótt. Töluvert var um útköll vegna hávaða og ónæðis víðs vegar um borgina.

Lögreglumenn aðstoðuðu slökkvilið vegna bátsbrunans en vel gekk að slökkva eldinn, að því er segir í dagbók lögreglunnar á höfuðborgarsvæðinu. Á miðborgarsvæðinu og í fleiri hverfum sinnti lögreglan fjölmörgum málum vegna hávaða og ónæðis auk þjófnaðar- og ölvunarmála.

Í Kórahverfi í Kópavogi sinnti lögregla útköllum vegna flugelda sem var skotið á loft þar. Þá var maðurinn handtekinn á svæði lögreglustöðvar þrjú fyrir Kópavog og Breiðholt grunaður um þjófnað og önnur brot. Þá barst þar tilkynning um slagsmál.

Lögreglumál Reykjavík Kópavogur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.