Vannæring barna í Jemen aldrei verið alvarlegri Heimsljós 29. október 2020 09:28 UNICEF „Staða barna í Jemen hefur verið skelfileg allt of lengi og er nú verri en nokkru sinni fyrr. Sá árangur sem náðst hefur síðustu ár í að meðhöndla vannærð börn og koma í veg fyrir frekari vannæringu með matvælaaðstoð er í mikilli hættu. Vaxandi átök, hnignun í efnahagslífi landsins, skortur á fjármagni til hjálparstarfs auk áhrifa kórónuveirunnar hefur gert hörmulegt ástand að einni verstu mannúðarkrísu í heiminum,“ segir Steinunn Jakobsdóttir, kynningarstjóri UNICEF á Íslandi. Hlutfall barna í Jemen sem þjást af vannæringu er það hæsta sem mælst hefur í ákveðnum landshlutum frá upptökum stríðsins árið 2015, að mati Sameinuðu þjóðanna. Rúmlega hálf milljón barna í suðurhluta landsins mælist nú með bráðavannæringu og í þeim héruðum þar sem staðan er verst þjást eitt af hverjum fimm börnum af bráðavannæringu. Þetta kemur fram í nýrri greiningu á stöðu fæðuöryggis í landinu. Að greiningunni standa Barnahjálp Sameinuðu þjóðanna (UNICEF), Matvæla- og landbúnaðarstofnun Sameinuðu þjóðanna (FAO) og Matvælaáætlun Sameinuðu þjóðanna (WFP). Greiningin nær til 133 héraða í suðurhluta Jemen þar sem búa um 1,4 milljónir barna undir fimm ára aldri. Þar kemur í ljós að bráðavannæring hefur aukist um 10 prósent árið 2020. Mesta aukningin er í tilfellum ungra barna sem þjást af alvarlegri bráðavannæringu (SAM), en slík tilfelli hafa aukist um 15,5 prósent á árinu. Það þýðir að 98 þúsund börn undir fimm ára aldri eru í mikilli hættu á að deyja, án tafarlausrar meðferðar. Auk þessu eru að minnsta kosti 250 þúsund barnshafandi konur og konur með barn á brjósti vannærðar. Verið er að greina tölur frá norðurhluta landsins og búist er við að staðan þar sé jafn alvarleg. UNICEF varar við því að ef ekki er brugðist við tafarlaust verði það um seinan og líf heillar kynslóðar barna í Jemen í hættu. Vítahringur átaka og hungurs og áhrif kórónuveirunnar hefur ýtt enn frekar undir neyð íbúa landsins. Fæðuóöryggi er verulegt, tíðni smitsjúkdóma er há og aðgengi að heilsugæslu, bólusetningum og hreinlætisaðstöðu mjög takmarkað. „Hægt er að meðhöndla og koma í veg fyrir bráðavannæringu en nú þarf aukinn stuðning til að tryggja þeim börnum og konum sem þurfa brýna aðstoð þá meðferð sem þau þurfa. Það þarf að byggja upp og viðhalda matvælakerfi landsins, vernda lífsafkomu fólks og gera íbúum kleift að framleiða, selja og neyta fjölbreyttrar og næringarríkrar fæðu. Auk þess þarf að stórauka aðgerðir til að skima börn fyrir vannæringu og veita þeim börnum sem þjást af vannæringu viðunandi meðferð,“ segir Steinunn Jakobsdóttir. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Jemen Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent „Ákveðnar efasemdir um ákveðna þætti“ Innlent Tveir létust í banaslysi í Eyjafirði Innlent Dómi Harvey Weinstein snúið við Erlent Segir borgarstjóra óttalegan vettling Innlent Sánchez íhugar að segja af sér vegna meintrar spillingar Erlent Eiríkur og Bjarni takast á um nefnd um íslenska tungu Innlent
„Staða barna í Jemen hefur verið skelfileg allt of lengi og er nú verri en nokkru sinni fyrr. Sá árangur sem náðst hefur síðustu ár í að meðhöndla vannærð börn og koma í veg fyrir frekari vannæringu með matvælaaðstoð er í mikilli hættu. Vaxandi átök, hnignun í efnahagslífi landsins, skortur á fjármagni til hjálparstarfs auk áhrifa kórónuveirunnar hefur gert hörmulegt ástand að einni verstu mannúðarkrísu í heiminum,“ segir Steinunn Jakobsdóttir, kynningarstjóri UNICEF á Íslandi. Hlutfall barna í Jemen sem þjást af vannæringu er það hæsta sem mælst hefur í ákveðnum landshlutum frá upptökum stríðsins árið 2015, að mati Sameinuðu þjóðanna. Rúmlega hálf milljón barna í suðurhluta landsins mælist nú með bráðavannæringu og í þeim héruðum þar sem staðan er verst þjást eitt af hverjum fimm börnum af bráðavannæringu. Þetta kemur fram í nýrri greiningu á stöðu fæðuöryggis í landinu. Að greiningunni standa Barnahjálp Sameinuðu þjóðanna (UNICEF), Matvæla- og landbúnaðarstofnun Sameinuðu þjóðanna (FAO) og Matvælaáætlun Sameinuðu þjóðanna (WFP). Greiningin nær til 133 héraða í suðurhluta Jemen þar sem búa um 1,4 milljónir barna undir fimm ára aldri. Þar kemur í ljós að bráðavannæring hefur aukist um 10 prósent árið 2020. Mesta aukningin er í tilfellum ungra barna sem þjást af alvarlegri bráðavannæringu (SAM), en slík tilfelli hafa aukist um 15,5 prósent á árinu. Það þýðir að 98 þúsund börn undir fimm ára aldri eru í mikilli hættu á að deyja, án tafarlausrar meðferðar. Auk þessu eru að minnsta kosti 250 þúsund barnshafandi konur og konur með barn á brjósti vannærðar. Verið er að greina tölur frá norðurhluta landsins og búist er við að staðan þar sé jafn alvarleg. UNICEF varar við því að ef ekki er brugðist við tafarlaust verði það um seinan og líf heillar kynslóðar barna í Jemen í hættu. Vítahringur átaka og hungurs og áhrif kórónuveirunnar hefur ýtt enn frekar undir neyð íbúa landsins. Fæðuóöryggi er verulegt, tíðni smitsjúkdóma er há og aðgengi að heilsugæslu, bólusetningum og hreinlætisaðstöðu mjög takmarkað. „Hægt er að meðhöndla og koma í veg fyrir bráðavannæringu en nú þarf aukinn stuðning til að tryggja þeim börnum og konum sem þurfa brýna aðstoð þá meðferð sem þau þurfa. Það þarf að byggja upp og viðhalda matvælakerfi landsins, vernda lífsafkomu fólks og gera íbúum kleift að framleiða, selja og neyta fjölbreyttrar og næringarríkrar fæðu. Auk þess þarf að stórauka aðgerðir til að skima börn fyrir vannæringu og veita þeim börnum sem þjást af vannæringu viðunandi meðferð,“ segir Steinunn Jakobsdóttir. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Jemen Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent „Ákveðnar efasemdir um ákveðna þætti“ Innlent Tveir létust í banaslysi í Eyjafirði Innlent Dómi Harvey Weinstein snúið við Erlent Segir borgarstjóra óttalegan vettling Innlent Sánchez íhugar að segja af sér vegna meintrar spillingar Erlent Eiríkur og Bjarni takast á um nefnd um íslenska tungu Innlent