Innlent

Alls greindust 86 innan­lands í gær

Atli Ísleifsson skrifar
73 prósent þeirra sem greindust í gær voru í sóttkví.
73 prósent þeirra sem greindust í gær voru í sóttkví. Vísir/Vilhelm

Alls greindust 86 með kórónuveiruna innan­lands í gær. Alls voru 62 af þeim 86 sem greindust í gær í sóttkví , eða 73 prósent. 24 þeirra sem greindust í gær voru utan sóttkvíar, eða um 27 prósent.

Þetta kemur fram í uppfærðum tölum á vefnum covid.is. Alls eru 58 nú á sjúkrahúsi vegna Covid-19, þar af einn á gjörgæslu. Í gær voru 53 á sjúkrahúsi og einn á gjörgæslu.

21 smit greindist á landamærum. Tíu virk smit, eitt í seinni landamæraskimun og svo er mótefnamælingar beðið í tilvikum tíu.

1.062 manns eru nú í einangrun, samanborið við 1.048 í gær. Þá eru 1.667 í sóttkví í dag, samanborið við 2.283 í gær.

Af þeim 86 sem greindust innanlands í gær greindust 59 eftir að tekin voru svokölluð einkennasýni og 26 við sóttkvíar- og handahófsskimun. Einn greindist í skimun hjá Íslenskri erfðagreiningu.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 221,4 en var 221,2 í gær. Þá er nýgengi landamærasmita nú 27,5, en var 25,1 í gær.

Nú hafa 4.671 manns greinst smitaðir af kórónuveiru frá upphafi faraldursins. Á síðunni segir ennfremur að af þeim veikst hafa af Covid-19 eru tólf nú látnir.

Alls voru tekin 1.788 einkennasýni hjá sýkla- og veirufræðideild Landspítalans og Íslenskri erfðagreiningu í gær og 420 sýni á landamærunum eða í seinni landamæraskimun. Þá voru 844 sýni tekin við sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.