Innlent

Mun starfa sam­hliða Tryggva sem um­boðs­maður Al­þingis

Atli Ísleifsson skrifar
Kjartan Bjarni Björgvinsson starfar sem héraðsdómari.
Kjartan Bjarni Björgvinsson starfar sem héraðsdómari. EFTA

Forsætisnefnd Alþingis hefur sett Kjartan Bjarna Björgvinsson héraðsdómara til að sinna starfi umboðsmanns Alþingis samhliða kjörnum umboðsmanni, það er Tryggva Gunnarssyni. Það sé gert á meðan Tryggvi vinnur að gerð fræðsluefnis fyrir starfsfólk stjórnsýslu ríkis og sveitarfélaga.

Í tilkynningu á vef Alþingis segir að Kjartan Bjarni sé settur umboðsmaður frá 1. nóvember 2020 til 30. apríl 2021.

„Setningin er gerð samkvæmt heimild í 3. mgr. 14. gr. laga um umboðsmann Alþingis en þar segir að ef kjörnum umboðsmanni eru falin sérstök tímabundin verkefni af hálfu Alþingis geti forsætisnefnd Alþingis, að beiðni kjörins umboðsmanns, samþykkt að setja annan mann til að sinna starfi umboðsmanns samhliða með kjörnum umboðsmanni,“ segir í tilkynningunni.

Alþingi Vistaskipti Dómstólar Umboðsmaður Alþingis
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið