„Norskur“ nýliði í íslenska hópnum sem mætir Litháen og Ísrael

Guðmundur Guðmundsson, landsliðsþjálfari karla í handbolta, hefur valið 17 leikmenn fyrir komandi leiki í undankeppni EM 2022.

Óskar Ólafsson, sem þótt hefur leika afar vel með Drammen í norsku úrvalsdeildinni, sérstaklega sem varnarmaður, er nýliði í íslenska hópnum. Óskar er uppalinn í Noregi en hefur leikið með yngri landsliðum Íslands.

Gísli Þorgeir Kristjánsson er einnig í hópnum en hann er kominn á fulla ferð eftir meiðsli. Þá fær Oddur Gretarsson tækifæri í vinstra horninu í fjarveru Stefáns Rafns Sigurmannssonar sem hefur glímt við meiðsli.

Ísland mætir Litháen og Ísrael í Laugardalshöll 4. og 7. nóvember, nema auðvitað að kórónuveirufaraldurinn komi einhvern veginn í veg fyrir það. Ísland og Ísrael skiptu á heimaleikjum að ósk Ísraela vegna stöðu faraldursins þar í landi.

Hópurinn:

Markverðir:

Björgvin Páll Gústavsson, Haukar, 229/13

Viktor Gísli Hallgrímsson, GOG Håndbold, 17/0

Vinstra horn:

Bjarki Már Elísson TBV Lemgo Lippe, 71/165

Oddur Gretarsson, HBW Balingen-Weilstetten, 18/31

Vinstri skytta:

Ólafur Andrés Guðmundsson, IFK Kristianstad, 123/230

Aron Pálmarsson, FC Barça, 148/576

Daníel Þór Ingason, Ribe Esbjerg HH, 30/9

Óskar Ólafsson, Drammen, 0/0

Miðjumenn:

Elvar Örn Jónsson, Skjern Håndbold, 34/87

Gísli Þorgeir Kristjánsson, SC Magdeburg, 23/31

Janus Daði Smárason, Göppingen, 45/64

Hægri skytta:

Ómar Ingi Magnússon, SC Magdeburg, 46/129

Viggó Kristjánsson, TVB 1898 Stuttgart, 10/17

Hægra horn:

Arnór Þór Gunnarsson, Die Bergische Handball Club, 113/327

Sigvaldi Björn Guðjónsson, Vive Tauron Kielce, 28/54

Línumenn:

Arnar Freyr Arnarsson, MT-Melsungen, 51/67

Ýmir Örn Gíslason, Die Rhein-Necker Löwen, 41/18