Körfubolti

Tæp 20 ár frá ótrúlegasta afreki í íslenskum körfubolta

Arnar Geir Halldórsson skrifar
Brenton Birmingham eftir leikinn fræga.
Brenton Birmingham eftir leikinn fræga. Skjáskot/Stöð 2 Sport

Teitur Örlygsson og Sævar Sævarsson voru gestir Kjartans Atla Kjartanssonar í Körfuboltakvöldi í gær og fóru þeir félagar um víðan völl.

Þar rifjuðu þeir meðal annars upp að tæp 20 ár eru liðin frá einu ótrúlegasta tölfræðiafreki í íslenskum körfubolta en það vannst á Sauðárkróki árið 2001 þar sem Brenton Birmingham fór fyrir liði Njarðvíkur sem hampaði Íslandsmeistaratitlinum það árið.

Klippa: Körfuboltakvöld: Tímavélin - Brenton Birmingham

Brenton Birmingham náði fjórfaldri tvennu í fjórða og síðasta leiknum á móti Tindastóli þegar hann var með 28 stig, 11 stoðsendingar, 10 fráköst og 10 stolna bolta í 96-71 sigri Njarðvíkinga.

Teitur spilaði einnig þennan leik og lék marga leiki með Brenton Birmingham en Brenton ílengdist hér á landi, fékk íslenskan ríkisborgararétt og spilaði fyrir íslenska landsliðið í körfubolta. Hann starfar nú fyrir körfuknattleiksdeild Njarðvíkur.

Í Körfuboltakvöldi fóru þeir ítarlega yfir frábæran feril Brenton hér á landi en innslagið í heild má sjá hér ofar í fréttinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.