Innlent

Prestur innflytjenda ekki lengur Vinstri grænn

Kolbeinn Tumi Daðason skrifar
Toshiki Toma, prestur innflytjenda, hefur látið sjá sig á mótmælaaðgerðum No borders undanfarin misseri.
Toshiki Toma, prestur innflytjenda, hefur látið sjá sig á mótmælaaðgerðum No borders undanfarin misseri. Vísir/Vilhelm

Toshiki Toma, prestur innflytjenda, er genginn úr Vinstri hreyfingunni grænu framboði. Presturinn greindi frá þessu á Facebook-síðu sinni í gærkvöldi. Hann segist hafa verið í flokknum í 15-16 ár, ekki verið virkur en þó stuðningsmaður allan þann tíma.

Ástæðan segir Toshiki vera stöðuga bylgju kúgunar og óréttlætis dómsmálayfirvalda í garð hælisleitenda undanfarin ár. Þar segir hann áhugaleysi Vinstri grænna komið yfir mörk sín.

Toshiki segist styðja VG að mörgu leyti. Þá sé hann ekki hrifinn af því viðhorfi að segjast ekki styðja neinn flokk.

„En stundum verður maður að kjósa þá leið. Sú leið er einnig tjáning manns.“

Hann segir ekkert persónubundið vesen varðandi ákvörðun sína. Hann sé samt vonsvikinn. Þá þakkar hann VG fyrir gott verk hingað til.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×