Hátt í þrjú hundruð missa vinnuna í hópuppsögnum

Margrét Helga Erlingsdóttir skrifar 30. september 2020 17:41

Átta tilkynningar um hópuppsagnir hafa borist Vinnumálastofnun nú í lok mánaðar. vísir/daníel

Vinnumálastofnun hafa borist tilkynningar um hópuppsagnir frá átta fyrirtækjum nú í lok mánaðar.

Unnur Sverrisdóttir, forstjóri Vinnumálastofnunar, segir í samtali við fréttastofu að samanlagt hafi 293 misst vinnuna í hópuppsögnum í september.

Sjö af átta fyrirtækjum starfa innan ferðaþjónustu en eitt þeirra í byggingariðnaði.

Atvinnuleysi mælist nú hátt í tíu prósent.

Unnur á ekki von á því að fleiri tilkynningar berist í kvöld en vildi heldur ekki útiloka það.

Vinnumarkaður Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.