Innlent

Tuttugu bætast í hóp smitaðra á milli daga

Kjartan Kjartansson skrifar
Frá skimun fyrir kórónuveirunni í vor.
Frá skimun fyrir kórónuveirunni í vor. Vísir/Egill

Kórónuveirusmituðum fjölgaði um tuttugu manns í gær. Af þeim greindust fimm manns í sóttkví eða við handahófskennda skimun en fimmtán hjá Landspítalanum og Íslenskri erfðagreiningu. Fjórir eru nú á sjúkrahúsi, þar af einn á gjörgæslu.

Landspítalinn staðfesti í morgun að einn væri nú í öndunarvél á gjörgæsludeild vega Covid-19. Tveir hefðu verið lagðir inn á sjúkrahús síðasta sólarhringinn.

Samkvæmt nýjustu tölum almannavarna og landlæknis eru nú 455 manns í einangrun. Þá fjölgaði fólki í sóttkví um 115 manns í gær og er það nú 1.895 manns. Auk þess eru 1.614 manns í skimunarsóttkví.

Rétt tæplega 400 manns hafa nú greinst með kórónuveiruna á Íslandi undanfarna ellefu sólarhringa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×