Innlent

Víðir laus úr sóttkví

Sunna Kristín Hilmarsdóttir skrifar
Víðir var sendur í sóttkví eftir viðtal á Rás 2 sem hann fór í í síðustu viku.
Víðir var sendur í sóttkví eftir viðtal á Rás 2 sem hann fór í í síðustu viku. Vísir/Vilhelm

Víðir Reynisson, yfirlögregluþjónn hjá almannavarnadeild ríkislögreglustjóra, er laus úr sóttkví.

Hann segir í samtali við Vísi að hann hafi fengið neikvæða niðurstöðu í gærkvöldi úr skimun sem hann fór í í gær og kveðst aðspurður vera við góða heilsu.

Víðir verður því á sínum stað á upplýsingafundi almannavarna og landlæknis um kórónuveirufaraldurinn sem verður klukkan 14 í dag ásamt Ölmu Möller, landlækni.

Víðir var settur í sóttkví eftir að hafa farið í viðtal á Rás 2 í síðustu viku. Þar átti hann í samskiptum við starfsmann stöðvarinnar sem talinn var vera mjög smitandi þann dag sem Víðir hitti hann.

Fréttin hefur verið uppfærð.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið