Rafíþróttir

Fylkismenn sterkir á heimavelli

Bjarni Bjarnason skrifar
vodafone deild

Þriðja viðureign kvöldsins í Vodafonedeildinni í CS:GO var þegar Fylkir og GOAT tókust á á heimavelli Fylkis. Fylkismenn mættu sjóðandi heitir til leiks og settu GOAT á hælana strax í fyrstu lotunum. 

GOAT átti engin svör við sóknarmiðuðum spilastíl Fylkis. Þrátt fyrir að taka réttu línurnar dugði það ekki gegn Fylki. En Furious (Þorlákur Máni Dagbjartsson) var heitur og refsaði þeim við hvert tækifæri. Fylkir vann fyrri hálfleik á sannfærandi máta, 12-3.

Seinni hálf leikur byrjaði vel fyrir Fylki sem nú var að spila vörn (counter-terrorist). Með góðu samspili nældu þeir sér í 3 fyrstu loturnar og komu leiknum i úrslitalotu. GOAT voru þó ekki tilbúnir að gefast upp.

Leikmenn GOAT þeir Hugo (Hugi Snær Hlynsson) og DOM (Daníel Örn Melstað) sem höfðu borið höfuð yfir herðar liðsfélaga sinna það sem af var leiknum tóku á og færðu sínum mönnum 2 lotur.

Þetta átak entist þó ekki lengi því að Fylkir tók næstu lotu og lokaði leiknum, 16-5.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.