Kæmi ekki á óvart ef fleiri greindust með veiruna í dag en í gær Sunna Kristín Hilmarsdóttir skrifar 16. september 2020 22:09 Víðir Reynisson, yfirlögregluþjónn hjá almannavarnadeild ríkislögreglustjóra. Vísir/Vilhelm Víðir Reynisson, yfirlögregluþjónn hjá almannavarnadeild ríkislögreglustjóra, kveðst ekki eiga sérstaklega von á því að það greinist fleiri með kórónuveiruna í dag heldur en greindust í gær. Það kæmi þó heldur ekki á óvart. Þrettán manns greindust með veiruna innanlands í gær og hafa ekki fleiri greinst á einum sólarhring síðan 6. ágúst. Smit hafa komið upp í Háskóla Íslands og Háskólanum í Reykjavík og hóf Íslensk erfðagreining skimun í dag hjá starfsmönnum og nemendum í HÍ. Þá er í pípunum að skima einnig nemendur og starfsmenn í HR. Auk þess hefur Heilsugæsla höfuðborgarsvæðisins verið beðin um að gera úrtak á höfuðborgarsvæðinu til að sjá hver útbreiðslan er. Fimm starfsmenn á háskólasvæðinu hafa greinst með kórónuveiruna. Íslensk erfðagreining hóf í dag skimun hjá starfsmönnum og nemendum skólans.Vísir/Vilhelm Telur líklegt að smitin verði á bilinu sex til fimmtán Aðspurður hvort hann hafi áhyggjur af því fleiri greinist með veiruna í dag heldur en í gær, í ljósi þess að skimun hófst í HÍ í dag, svarar Víðir neitandi. Hann bendir á að þegar farið er af stað í það sem er kallað verkefnamiðuð skimun, líkt og á við um HÍ, þá megi alltaf búast við því að einhverjir greinist jákvæðir. „Þannig að það má alveg búast því að tölurnar á morgun verði hærri heldur en síðustu daga þótt þær verði vonandi ekki eins háar og í dag,“ segir Víðir í samtali við Vísi. Hann eigi ekkert sérstaklega von á því að fleiri hafi greinst með veiruna í dag heldur en í gær. „En það kæmi heldur ekki á óvart. Mér finnst svona líklegt að við séum að horfa eitthvað á bilinu sex til fimmtán, það kæmi mér ekki á óvart miðað við fyrri reynslu,“ segir Víðir. Hann kveðst ekki búinn að fá tölur yfir það hversu margir greindust í dag; þær komi ekki á hans borð fyrr en í fyrramálið. Þrettán einstaklingar og átta póstnúmer Allir þeir þrettán einstaklingar sem greindust með veiruna í gær eru á höfuðborgarsvæðinu. Tólf þeirra voru utan sóttkvíar. Aðspurður um tengsl á milli þessara þrettán einstaklinga og hvort tengslin séu eitthvað á þá leið að þrír séu í hóp sem tengjast og eru smitaðir, annars staðar séu aðrir fimm sem tengjast og eru smitaðir, segir Víðir þetta nánast ekkert vera þannig. „Það eru einhverjir þarna sem við vitum að smituðust væntanlega af fjölskyldumeðlimi eða slíkt, það var í einhverjum tilfellum þannig, en í flestum tilfellum er þetta bara hér og þar. Ég held að þetta sé úr átta póstnúmerum á höfuðborgarsvæðinu þessir þrettán einstaklingar.“ Fram kom í dag að smitrakning hefði gengið illa en Víðir segir aðeins skýrari mynd komna á málið nú. Þó sé ekki kominn endanlegur fjöldi fyrir þá sem þurfa að fara í sóttkví vegna þessara þrettán smita og enn séu þó nokkuð mörg tilfelli þar sem fólk sé ekki enn búið að átta sig á því hvar það hafi getað smitast. Það sé hins vegar eðlilegt þar sem stundum séu margir dagar liðnir frá því að fólk smitaðist. „Þetta er náttúrulega alltaf dálítið áfall að fá símtalið eða tilkynninguna um að þú hafir greinst jákvæður tími með Covid þannig að stundum getur tekið það smá tíma fyrir fólk að ná saman öllum upplýsingum,“ segir Víðir. Ef búið væri að taka nýtt kerfi litakóða í gagnið, líkt og áformað er, þá væri höfuðborgarsvæðið á gulri sóttvarnaviðvörun en restin af landinu á grárri viðvörun.Vísir/Vilhelm Höfuðborgarsvæðið væri á gulu en restin af landinu grá Fyrr í vikunni voru kynnt áform um sérstaka litakóða sem taka á upp í tengslum við kórónuveirufaraldurinn. Hver litur myndi þá gefa til kynna hættustig. Litirnir væru grátt, gult, appelsínugult og rautt þar sem grátt væri vægasta stigið en rautt það alvarlegasta. Kóðarnir hafa ekki enn verið teknir í notkun en Víðir segir að ef leggja ætti mat á ástandið núna þá væri höfuðborgarsvæðið á gulu en restin af landinu á gráu. Gult þýði ekki endilega að verið sé að fara í harðari aðgerðir heldur að almenningur þurfi að vera meira á varðbergi og gæta sín betur. Þá hvetur Víðir fólk til að halda sig heima ef það finnur fyrir einkennum kórónuveirunnar. Það eigi alls ekki að fara í vinnuna eða skólann heldur hafa samband við heilsugæsluna, fá að fara í sýnatöku og fá leiðbeiningar frá heilbrigðisstarfsfólki. Þórólfur Guðnason, sóttvarnalæknir, lagði sömuleiðis mikla áherslu á þetta í viðtali við Reykjavík síðdegis í dag. „Við erum því miður að sjá það að fólk er kannski ekki að halda sig heima ef það er með einkenni eða veikt og lætur ekki vita af sér og hefur ekki samband við heilbrigðiskerfið. Það er kannski að mæta í vinnu eða á mannmarga staði og svo framvegis, þá getur smitrakningin orðið mjög erfið,“ sagði Þórólfur. Þá verði almenningur að viðhafa einstaklingsbundnar sýkingavarnir. Í ástandi eins og ríki nú þarf að fara miklu varlegar en áður. „Þetta getur gjörsamlega lamað heilu fyrirtækin ef það þarf að setja stóran hluta af fyrirtækinu í sóttkví. Þetta getur orðið mjög afdrifaríkt að gera þetta, fyrir utan það að fólk getur sýkst og hugsanlega farið illa út úr sýkingunni,“ sagði Þórólfur. Faraldur kórónuveiru (COVID-19) Íslensk erfðagreining Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór vantaði sex meðmæli upp á Innlent Svakalegt að sjá fylgisaukningu Höllu Hrundar Innlent Karlremba sé komin í tísku Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Líklegt að það styttist í brotmörk Innlent Mögulega að hægjast á landrisi í Svartsengi Innlent Fleiri fréttir Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sjá meira
Víðir Reynisson, yfirlögregluþjónn hjá almannavarnadeild ríkislögreglustjóra, kveðst ekki eiga sérstaklega von á því að það greinist fleiri með kórónuveiruna í dag heldur en greindust í gær. Það kæmi þó heldur ekki á óvart. Þrettán manns greindust með veiruna innanlands í gær og hafa ekki fleiri greinst á einum sólarhring síðan 6. ágúst. Smit hafa komið upp í Háskóla Íslands og Háskólanum í Reykjavík og hóf Íslensk erfðagreining skimun í dag hjá starfsmönnum og nemendum í HÍ. Þá er í pípunum að skima einnig nemendur og starfsmenn í HR. Auk þess hefur Heilsugæsla höfuðborgarsvæðisins verið beðin um að gera úrtak á höfuðborgarsvæðinu til að sjá hver útbreiðslan er. Fimm starfsmenn á háskólasvæðinu hafa greinst með kórónuveiruna. Íslensk erfðagreining hóf í dag skimun hjá starfsmönnum og nemendum skólans.Vísir/Vilhelm Telur líklegt að smitin verði á bilinu sex til fimmtán Aðspurður hvort hann hafi áhyggjur af því fleiri greinist með veiruna í dag heldur en í gær, í ljósi þess að skimun hófst í HÍ í dag, svarar Víðir neitandi. Hann bendir á að þegar farið er af stað í það sem er kallað verkefnamiðuð skimun, líkt og á við um HÍ, þá megi alltaf búast við því að einhverjir greinist jákvæðir. „Þannig að það má alveg búast því að tölurnar á morgun verði hærri heldur en síðustu daga þótt þær verði vonandi ekki eins háar og í dag,“ segir Víðir í samtali við Vísi. Hann eigi ekkert sérstaklega von á því að fleiri hafi greinst með veiruna í dag heldur en í gær. „En það kæmi heldur ekki á óvart. Mér finnst svona líklegt að við séum að horfa eitthvað á bilinu sex til fimmtán, það kæmi mér ekki á óvart miðað við fyrri reynslu,“ segir Víðir. Hann kveðst ekki búinn að fá tölur yfir það hversu margir greindust í dag; þær komi ekki á hans borð fyrr en í fyrramálið. Þrettán einstaklingar og átta póstnúmer Allir þeir þrettán einstaklingar sem greindust með veiruna í gær eru á höfuðborgarsvæðinu. Tólf þeirra voru utan sóttkvíar. Aðspurður um tengsl á milli þessara þrettán einstaklinga og hvort tengslin séu eitthvað á þá leið að þrír séu í hóp sem tengjast og eru smitaðir, annars staðar séu aðrir fimm sem tengjast og eru smitaðir, segir Víðir þetta nánast ekkert vera þannig. „Það eru einhverjir þarna sem við vitum að smituðust væntanlega af fjölskyldumeðlimi eða slíkt, það var í einhverjum tilfellum þannig, en í flestum tilfellum er þetta bara hér og þar. Ég held að þetta sé úr átta póstnúmerum á höfuðborgarsvæðinu þessir þrettán einstaklingar.“ Fram kom í dag að smitrakning hefði gengið illa en Víðir segir aðeins skýrari mynd komna á málið nú. Þó sé ekki kominn endanlegur fjöldi fyrir þá sem þurfa að fara í sóttkví vegna þessara þrettán smita og enn séu þó nokkuð mörg tilfelli þar sem fólk sé ekki enn búið að átta sig á því hvar það hafi getað smitast. Það sé hins vegar eðlilegt þar sem stundum séu margir dagar liðnir frá því að fólk smitaðist. „Þetta er náttúrulega alltaf dálítið áfall að fá símtalið eða tilkynninguna um að þú hafir greinst jákvæður tími með Covid þannig að stundum getur tekið það smá tíma fyrir fólk að ná saman öllum upplýsingum,“ segir Víðir. Ef búið væri að taka nýtt kerfi litakóða í gagnið, líkt og áformað er, þá væri höfuðborgarsvæðið á gulri sóttvarnaviðvörun en restin af landinu á grárri viðvörun.Vísir/Vilhelm Höfuðborgarsvæðið væri á gulu en restin af landinu grá Fyrr í vikunni voru kynnt áform um sérstaka litakóða sem taka á upp í tengslum við kórónuveirufaraldurinn. Hver litur myndi þá gefa til kynna hættustig. Litirnir væru grátt, gult, appelsínugult og rautt þar sem grátt væri vægasta stigið en rautt það alvarlegasta. Kóðarnir hafa ekki enn verið teknir í notkun en Víðir segir að ef leggja ætti mat á ástandið núna þá væri höfuðborgarsvæðið á gulu en restin af landinu á gráu. Gult þýði ekki endilega að verið sé að fara í harðari aðgerðir heldur að almenningur þurfi að vera meira á varðbergi og gæta sín betur. Þá hvetur Víðir fólk til að halda sig heima ef það finnur fyrir einkennum kórónuveirunnar. Það eigi alls ekki að fara í vinnuna eða skólann heldur hafa samband við heilsugæsluna, fá að fara í sýnatöku og fá leiðbeiningar frá heilbrigðisstarfsfólki. Þórólfur Guðnason, sóttvarnalæknir, lagði sömuleiðis mikla áherslu á þetta í viðtali við Reykjavík síðdegis í dag. „Við erum því miður að sjá það að fólk er kannski ekki að halda sig heima ef það er með einkenni eða veikt og lætur ekki vita af sér og hefur ekki samband við heilbrigðiskerfið. Það er kannski að mæta í vinnu eða á mannmarga staði og svo framvegis, þá getur smitrakningin orðið mjög erfið,“ sagði Þórólfur. Þá verði almenningur að viðhafa einstaklingsbundnar sýkingavarnir. Í ástandi eins og ríki nú þarf að fara miklu varlegar en áður. „Þetta getur gjörsamlega lamað heilu fyrirtækin ef það þarf að setja stóran hluta af fyrirtækinu í sóttkví. Þetta getur orðið mjög afdrifaríkt að gera þetta, fyrir utan það að fólk getur sýkst og hugsanlega farið illa út úr sýkingunni,“ sagði Þórólfur.
Faraldur kórónuveiru (COVID-19) Íslensk erfðagreining Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Arnar Þór vantaði sex meðmæli upp á Innlent Svakalegt að sjá fylgisaukningu Höllu Hrundar Innlent Karlremba sé komin í tísku Innlent Mennirnir tóku annan starfsmannanna hálstaki Innlent Voru með stæla og neituðu að fara upp úr fyrr en löggan mætti Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Líklegt að það styttist í brotmörk Innlent Mögulega að hægjast á landrisi í Svartsengi Innlent Fleiri fréttir Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Landskjörsstjórn tilkynnir á morgun hvaða listar eru gildir Mögulega að hægjast á landrisi í Svartsengi Karlremba sé komin í tísku Voru með stæla og neituðu að fara upp úr fyrr en löggan mætti Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sjá meira