Erlent

Berlusconi laus af sjúkrahúsi og hvetur fólk til að taka faraldurinn alvarlega

Kjartan Kjartansson skrifar
Berlusconi sagði blaðamönnum að hann hefði greinst með mest af kórónuveirunni af tugum þúsunda sjúklinga á sjúkrahúsinu í Mílanó.
Berlusconi sagði blaðamönnum að hann hefði greinst með mest af kórónuveirunni af tugum þúsunda sjúklinga á sjúkrahúsinu í Mílanó. Vísir/EPA

Silvio Berlusconi, fyrrverandi forsætisráðherra Ítalíu var útskrifaður af sjúkrahúsi þar sem hann var til meðferðar vegna Covid-19. Hann lýsir lífsreynslunni sem „hættulegustu áskorun“ lífs síns og hvetur fólk til þess að taka faraldrinum alvarlega.

Talið er að Berlusconi, sem er 83 ára gamall, hafi smitast af nýju afbrigði kórónuveiru þegar hann var í fríi á sveitasetri sínu á Sardiníu. Hann var lagður inn á sjúkrahús í Mílanó með slæma lungnabólgu 3. september. Læknar töldu Berslusconi í sérstökum áhættuhópi sökum aldurs og hjartavandamála.

„Ég sagði við sjálfan mig ánægður: „Þú komst aftur upp með það“,“ sagði Berlusconi við blaðamenn þegar hann gekk út af San Raffaele-sjúkrahúsinu í dag að því er Reuters-fréttastofan hefur eftir honum.

Berlusconi verður áfram í einangrun í nokkra daga á setri sínu utan við Mílanó. Hvatti hann landa sína til þess að taka veirunni alvarlega.

„Hvert og eitt okkar er útsett fyrir þeirri hættu að smita aðra. Ég ítreka hvatningu mína um að allir sýni hámarksábyrgð,“ sagði forsætisráðherrann fyrrverandi sem stýrir enn miðhægriflokknum Áfram Ítalía.


Tengdar fréttir

Berlu­sconi lagður inn á sjúkra­hús

Silvio Berlusconi, Evrópuþingmaður og fyrrverandi forsætisráðherra Ítalíu, var lagður inn á sjúkrahús í gærkvöldi. Gekkst hann undir rannsóknir, en greint var frá því fyrr í vikunni að hann hafi greinst með kórónuveiruna.

Berlusconi með kórónuveiruna

Silvio Berlusconi, fyrrverandi forsætisráðherra Ítalíu, er í einangrun á heimili sínu nærri Mílanó eftir að hann greindist með nýtt afbrigði kórónuveiru.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×