Innlent

Gripin með fimmtán kíló af kannabis

Tryggvi Páll Tryggvason skrifar
Kílóin fimmtán voru í ferðatösku konunnar.
Kílóin fimmtán voru í ferðatösku konunnar. Vísir/Vilhelm

Kona var tekin með mikið magn af kannabisefni í Flugstöð Leifs Eiríkssonar fyrr í mánuðinum. Hún var að koma frá Malaga á Spáni þegar tollgæslan stöðvaði hana.

Í ferðatösku sinni reyndist hún vera með tæp fimmtán kíló af efninu að því er fram kemur í tilkynningu frá Lögreglunni á Suðurnesjum sem handtók konuna.

Var hún í framhaldinu úrskurðuð í gæsluvarðhald og sætir hún nú tilkynningaskyldu.

Þá rannsakar lögreglan á Suðurnesjum nú mál rúmlega þrítugs karlmanns sem var með nær 300 töflur af oxycontin í fórum sínum við komuna hingað til lands.

Tollgæsla hafði afskipti af honum og fann töflurnar. Maðurinn var að koma frá Gdansk í lok síðasta mánaðar og var hann handtekinn og fluttir í fangaklefa. Hann var látinn laus að skýrslutöku aflokinni.

Lögreglumál Fíkn Keflavíkurflugvöllur Tollgæslan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið