Elísabet Margeirs á von á litlu ævintýrakríli

Ultra maraþon hlauparinn og næringarfræðingurinn Elísabet Margeirsdóttir á von á sínu fyrsta barni. Hún birti færslu á samfélagsmiðlum þar sem hún segir að sameiginlegur áhugi á fjallabrölti og samkomubannið hafi fært samband hennar og útivistarkappans Páls Ólafssonar upp á næsta stig. Ár er síðan þau byrjuðu að hittast og geislar parið af hamingju en þau hafa sést mikið saman fjallaskíðum og á hlaupum í náttúrunni. 

"Í dag er eitt ár síðan að við Palli hittumst á fyrsta stefnumótinu okkar í Chamonix. Þá var hann að klára klifurferð og ég á leiðinni í Ultra trail du Mt. Blanc. Við höfum verið nánast óaðskiljanleg síðan þá. Sameiginlegur áhugi á fjallabrölti og samkomubann færði okkur hratt upp á næstu stig. Það er ótrúlega gaman að segja frá því að við eigum von á litlu ævintýrakríli í febrúar. Við gætum ekki verið spenntari fyrir þessu stóra verkefni og hlökkum mikið til," segir Elísabet. 

Hér fyrir neðan má sjá nokkrar skemmtilegar myndir af parinu.