Elvar með 27 stig og einum sigri frá titli

Elvar Már Friðriksson og félagar í Borås eru einum sigri frá því að tryggja sér sænska deildarmeistaratitilinn í körfubolta eftir að þeir unnu 102-93 sigur á Jämtland í kvöld.

Elvar átti stóran þátt í sigrinum en hann var langstigahæstur hjá Borås með 27 stig auk þess að eiga fjórar stoðsendingar. 

Borås er nú með 56 stig, átta stigum á undan Luleå sem á fimm leiki eftir og er eina liðið sem getur mögulega náð Borås að stigum. Borås hefur unnið alla þrjá leiki sína við Luleå á leiktíðinni.